فيديو| الجندي يتحدث عن عقوبته بسبب «هروبه» من الجيش

قال الداعية الإسلامي، خالد الجندي، إنه تعلم درسًا قاسيًا أثناء خدمته في الجيش، معقبًا: "الحياة العسكرية صعبة، وكنت خريج جامعة فرفور.. المياه والأكل والنوم بحساب، أتعلمت حاجات قاسية أوي".
وتابع الجندي، خلال برنامج "لعلهم يفقهون"، المذاع على قناة "dmc"، "زهقت من الجيش وسبته ومشيت وروحت البيت وقابلت صحابي وخدت دش وغيرت هدومي وعيشت الحياة الحلوة، آخر النهار اتقبض عليا، والقائد بتاعي عاقبني وقالي ارسم مربع في الأرض بأيدك".
واستكمل: "قولت إيه الجيش الجميل ده، ورسمت المربع وقولتله تمام يا فندم، قالي أدخل جوه المربع ووالله العظيم لو خرجت بره المربع هدخلك السجن، وسبني ومشي ووقف عليا الحراسة 24 ساعة".