مصطفى فتحي بعد رفض عرض تورينو الإيطالي: «كان نفسي أحترف»

قال مصطفى فتحي، صانع ألعاب الزمالك، اليوم الجمعة، تعقيبًا على رفض إدارة الأبيض، برئاسة المستشار مرتضى منصور، عرض تورينو الإيطالي، إن «العرض رُفض رسميًا، والعرض ده بقاله سنة، والنادي رفض، وبعتوا تاني الفترة دي ورُفض برضو».
وأضاف اللاعب الشاب، خلال حواره ببرنامج «الجمعة في مصر»، عبر فضائية «MBC مصر»، أن «مندوب النادي الإيطالي جاء إلى مصر مؤخرًا للتفاوض مع الزمالك، وجلس مع الأستاذ أحمد مرتضى، وبعد فترة من المفاوضات، لم يتم الاتفاق بسبب الاختلاف على المبلغ، الزمالك طلب 700 ألف يورو، والنادي الإيطالي لم يزيد المبلغ عن 600 ألف».
تابع «فتحي» بحزن شديد: «أنا حاولت كتير أحل الموضوع، لأن أي لاعب في مصر وفي القارة بتاعتنا نفسه يحترف، والدوري الإيطالي مش دوري قليل، والفريق اللي كان عايزني ينافس على البطولات، كان نفسي أجرب وأحترف زي بقيت اللاعبين، والنادي كان محتاج محمد عبد الشافي وعمر جابر وكهربا ومع ذلك احترفوا، لكن موضوعي كان فيه لخبطة من بدري ومش فاهمة ليه».