نجل مرتضى منصور: «لو أبو تريكة إرهابي سايبينه ليه؟»

علّق أمير مرتضى منصور، نجل رئيس مجلس إدارة نادي الزمالك، على قرار محكمة الجنايات الذي صدر مؤخراً، بشأن إدراج اسم محمد أبو تريكة، لاعب النادي الأهلي السابق، على قوائم الإرهابيين لمدة 3 سنوات، وفقًا لقانون الكيانات والقوائم الإرهابية.
وقال أمير: "بغض النظر عن الاختلاف في الانتماءات الكروية والسياسية.. من حق أبو تريكة انه يكون اخوان او انه يتعاطف معاهم طالما مش بيضر حد".
وأضاف: "وبدل ما الدولة تقول عليه إرهابي، الصح إنهم يطلعوا يقولوا هو إرهابي ليه وعمل ايه ويقدموه للمحاكمة".
وتابع: "ولو هو فعلاً إرهابي سايبينه ليه!! لكن أنا مش هقعد أقول تريكة خط احمر، اللي غلط يتحاسب واللي مغلطش يعيش بكرامته وياخد حمايته في البلد، حتى لو إخواني مبيأذيش حد، لكن اللي بيحصل معاه ده عالأقل مش قانوني بالمرة".