بالفيديو.. سهير البابلي ل«السيسي»: ربنا يبعدك عنك الأشرار يا حبيب الملايين

وجهت الفنانة سهير البابلي، رسالة للرئيس عبد الفتاح السيسي، قائلة: "سيادة الرئيس.. الرئيس دي قليلة عليك، وربنا خلقك عشان تبقى مصري وتعيش في مصر، إنتا إنسان راقي بأخلاقك وبطيبتك وبجمالك وبحبك للمصريين ولبلدك مصر، عشرناك أهو تاني سنة، وعملت كل شئ حلو لمصري في السنة، واللي برة مصر عاملتهم".
وأضافت، عبر تسجيل صوتي أذاعه الإعلامي محمد الغيطي، خلال برنامج "صح النوم"، على فضائية "LTC"، مساء اليوم الأربعاء: "أنا أول مرة أتكلم عن أي رئيس، إنتا الأبن البار الحنين الجميل، اللي عاشق لبلده وشعبه، اللي ما شوفتش حد ما حابكش، أنا عشت طول عمري أدافع عن مصر، أرض الكنانة، وأتمنى أن المصريين يبقوا على أخلاقك وراجل واحد، والست اللي ربيتك ما شوفتش أخلاقها، عالية وجميلة ومصرية".
ودعت للسيسي، قائلة: "يارب يباركلك ويخليك ويديك العمر ويحبب فيك خلقه شكرا للسيسي على اللي عملته لبلدك، وربنا يبعدك عنك الاشرار واللي بيكروها مصر، ويباركلك فيك وفي أولادك وفي البيوت المصرية، يا حبيب الملايين".
ومن جانبه علق رضا طعيمة المحاضر والمفكر العالمي، وزوج ابنه الفنانة سهير البابلي، في مداخلة هاتفية للبرنامج قائلًا: "كانت تجلس في الجنينة بتتكلم، بتقول للراجل عمال يبشتغل 24 ساعة، ومحدش بيقوله شكرا، فبيطلعوا يشتمواه الناس دي مش شايفة ومش سامعه، وقالتلي هات وسجلي ونزل على النت".