فيديو| أديب للسيسي: «الافتراء وقّع اللي قبلك.. والناس صابرة عليك بس مش هيدوم كتير»

قال الإعلامي عمرو أديب، اليوم السبت، إن التجاوزات التي تصدر من أفراد وزارة الداخلية لا يمكن الصمت عليها، مطالبًا بإنشاء مجالس تأديب سريعة لكل من يرتكب فعلًا يخالف القانون في حق المواطنين.
وأضاف أديب، خلال تقديمه برنامج «القاهرة اليوم»، عبر قناة «اليوم»، «مش عايز حد يقولي دي حالة فردية أو أقلية، ده كذب، في مشكلة حقيقية ولازم نواجهها عشان نوصل لحل، ممارسات الداخلية من قبل 25 يناير فيها حاجة، ومن بعد يناير لحد الآن محدش قرب للداخلية، وده علشان هما اللي بيحمونا».
تابع: «اللي بنعيشه قمة الافتراء، حادثة الدرب الأحمر منتهى الافتراء، بيقولك علّى الكاسيت فالصوت أزعجني قمت قتلته، عايزين الحق والعدل يا ريس، طالما إنت قلت إن لازم نصدر تشريعات يبقى تعلم أن فيه مشكلة بجهاز الشرطة».
استكمل: «الافتراء هو اللي بيوقع الأنظمة، وصابرين وبيقولوا مش السيسي اللي بيعمل كده، بيقولوا هو أكيد هيجيبلنا حقنا، هو كويس لكن اللي تحته وحشين، لكن أنا بس عايز أقولك معلومة، الناس صابرة عليك فعلًا، كل ما تحصل مصيبة بيبلعوها، ويقولوا نستحمل، بس أنا بقولك إن البلع ده لن يستمر كثيرًا، وأرجوك متكلمنيش عن الإخوان والمؤامرة والكلام ده».
استطرد: «الافتراء أسقط دولة عبد الناصر، وأسقط دولة السادات، وأسقط دولة مبارك، المصريين بعتوا رسايل كتير الأيام اللي فاتت، يا ريت الريس يكون فاهمها».
يذكر أن رقيب شرطة، يُدعى «مصطفى.م.ع»، أطلق النار على سائق يُدعى محمد عادل «دربكة»، وأرداه قتيلًا، في منطقة الدرب الأحمر؛ وعليه احتشد مواطنون أمام مديرية أمن القاهرة، منددين بانتهاكات الشرطة في الفترة الأخيرة.