بالفيديو.. عكاشة: «بيحاربوني عشان خايفين أفجر ثورة جديدة»

قال النائب البرلماني والإعلامي توفيق عكاشة، معاتبًا الرئيس عبد الفتاح السيسي، «على اعتبار أنك كبير العائلة، وهناك أحد أفراد العائلة، اللي هو أنا، غضبان، تجيبني تشوفني غضبان من إيه، ولا تقول لبقيت إخواته، إدولوا جوز أقلام عشان يفوق»، مستكملًا: «انتهى هذا العصر يا ريس.. إحنا في 2016».
أضاف عكاشة، خلال حواره مع الإعلامية حياة الدرديري، ببرنامج «مصر اليوم»، عبر فضائية «الفراعين»، «لو كنت قعدت في بيتنا ومنزلتش في 30 يوينو، ولا كان حد نزل الشارع ولا كان بقى في ثورة من الأساس، ما كانت الثورة ستشهد هذا الزخم الذي شهدته، لأنه مكنش هينزل للشعب علشان يجمعه للخروج ضد الإخوان».
تابع: «الحكومة شايلة هم إني أخرج على الهواء، وكأني سأفجر ثورة مثلًا، نظرًا لأنهم يتمتعون بضيق الأفق، ولا يفرقون بمن يقول أمين، ومن يقول تحذير، وأنا مش عارف أعمل إيه، بيحاربوني عشان خايفين أفجر ثورة جديدة زي ما فجرت ثورة قبل كدا في 30 يونيو».