في ذكرى «جمعة الغضب».. مغردون: «مبقاش باقيلنا من الثورة غير ماسورة الذكريات»

خلد مستخدمو مواقع التواصل الإجتماعي تويتر، ذكرى «جمعة الغضب» والتي توافق يوم 28 يناير من كل عام، حيث يمر على ذكراها 5 سنوات، والتي كانت إحدى أسباب سقوط نظام الرئيس الأسبق محمد حسني مبارك.
وتداول مستخدمو تويتر تغريدات مزينة بهاشتاج "28Jan"، عبروا فيها عن آرائهم، حيث قالت نيفين الجمال: "طبعا مفيش حاجة هتحصل غير إن إحنا هنكتب تويتات وناس هتحتفل بحاجة محصلتش أصلا حلم وصدقناه وخلص".
كما قالت إسراء: "لما كانوا بيرشوا الشعب بالمية علشان يفرقوهم وهما بيصلوا! كان نفسي أكون وقتها معاهم كان نفسي أشارك في ثورة بلدي 25 يناير ثورتنا".
وأضاف شكري محمد: "ماتش الداخلية سنة 2012 العساكر جم يدونا هدايا عشان منشتمهمش رمناها عليهم وغننالهم مش ناسيين التحرير باقى الماتش".
ورد أمين: "قطعوا النت قلعوا الميري وهربوا، نزلوا بالجمال وقتلوا الشباب، كانت أول قنبلة غاز اشمها في حياتي لحد ما أخدت مناعة منها".
وقال القرموطي: "قامت ثورة التحرير فى يوم جمعة الغضب فاكرين كوبرى قصر النيل شيخ بيصلى واضرب".
وعبرت سارة الشريف عن الذكرى قائلة: "يوم 25 يناير ليه طعم وروح ويوم 28 روح مختلفة.. الأقرب لقلبى 28 يناير.. على قد الرعب اللى حسيته يومها على قد حبى ليه".
وقال كمال: "مبقاش باقيلنا من الثورة غير ماسورة الذكريات اللي بتضرب في وشنا كل يناير".