باسم يوسف ردًا على أحمد موسى: «حرقاك عشان هااح معلمة على قفاك»

رد الإعلامي الساخر باسم يوسف، على هجوم الإعلامي أحمد موسى، عليه، مساء الأربعاء، بسبب دفاعه عن بطلي واقعة «الواقي الذكري»، أحمد مالك، وشادي حسين، قائلًا: «حرقاك عشان هااح معلمة على قفاك».
وأضاف «يوسف»، عبر حسابه بموقع التدوينات القصيرة «تويتر»، «تلات أيام وناس عندها ساعات طويلة على التليفزيون حاطني في دماغهم وحارقهم قوي، كل ده وأنا ب١٤٠ حرف على تليفون، ده إنتوا غلابة قوي».
وكان الإعلامي أحمد موسى، هاجم باسم يوسف، خلال برنامجه «على مسئوليتى»، عبر فضائية «صدى البلد»، واصفًا «يوسف» ب«الأراجوز»، مضيفًا: «أراجوز وهيفضل أراجوز، مع شلته من حسالة البشر، شلة تريد هدم البلد، شلة هدفها الدولة المصرية وليس السيسي فقط، يريدوا أن يكونوا فقط الموجودين بالمشهد، ولكن الشعب لن يسمح لأي حد متآمر أنه يسقط البلد مرة أخرى، مش هنسمحله يقرب من أصغر فرد بمؤسستي الجيش والشرطة».
وتابع: «البرادعي مع الإخوان مع الأراجوز، كلهم شلة واحدة، كلهم هدفهم واحد، طلعوا كلهم يدفعوا عن ولدين تافهين معندهمش أي أخلاق، العيال دي كلها الداخلية عدوتهم، والواد الأراجوز بالذات، اللي في حياته ما عمل حاجة مفيدة للبلد، هو اللي علّم الناس الكلام ده، هو اللي دخل الألفاظ الخارجة البيوت، كان بيقول كلام تافه وألفاظ خارجة والناس تضحك، هو السبب في كل ده، بوظ أخلاق الشباب عشانه عيل قليل الأدب، عمرنا أخلاقنا ما كانت كده، وكل ده بسبب الفترة السودة اللي هو كان فيها».