قالت الفنانة زينة، أمس الثلاثاء، إن محاميها محمد الدكر، الذي توفى لم يكن لها مجرد محامي فقط وأنها كانت تعتبره مثل والدها، مضيفة: «حسيت إن وسطي اتقطم في موته، لأنه كان راجل محترم جدًا، وكان رجل قانون وعالم كبير في مجاله، ومرضيش ياخد مني فلوس بسبب إن ظروفي المادية كانت صعبة، وقالي متحرمنيش من الثواب بسبب أولادك». وتابعت زينة، خلال مداخلة هاتفية مع الإعلامية لميس الحديدي، ببر نامج «هنا العاصمة»، عبر فضائية «سي بي سي»، «أنا قلت للقاضي، إ ني مبفهمش في القانون، و هحكيلك حكايتي وإنت أ حكم، والحمد لله سمعني، وقولتله أنا تعبت أوي ، أنا حضرت كل الجلسات، ولكن أحمد عز لم يتابع الاستئناف الذي رفعه، ولكنه ميقدرش يواجه، وكبيره يستخبى ورا شوية محامين جايبهم عشان يغلطوا فينا». واستكملت: «خايفة يجي اليوم إن أموت قبل ما أخد حقي وحق عيالي، أنا بقالي 3 سنين بجري في القضية دي، إذا كان واحد قرر إنه يبيع لحمه ويرمي عياله ويتبرى منهم عشان شوية معجبين وأفلام، بس أنا عمري في حياتي ما هفضل مستقبلي على لحمي، دول حتة مني، حتى لو مش هشتغل خالص، وهجري ورا حق عيالي لآخر يوم في عمري، أنا تعبت أوي ودخلة المحكمة صعبة». واستطردت: «نفسي أخد حقي وحق عيالي، عايزة أعيش حياة طبيعية، أه غلطت بس عايزة حقي من شخص مؤذي أكتر مني». وعن إمكانية عودتها ل«عز» حال اعتذاره لها، قالت: «أعوذ بالله، أعوذ بالله، اللي فيّا مكفيني، 3 سنين مشاكل، البني آدم ده أذاني كتير أوي، والموضوع بالنسبالي خلاص انتهى، والراجل أما بينزل من نظر مراته مبيرجعش تاني». وقررت الدائرة 102 بمحكمة مستأنف الأسرة، المنعقدة بالقاهرة الجديدة، حجز الاستئناف المقدم من الفنان أحمد عز، على حكم محكمة الأسرة بإثبات نسب توأم الفنانة زينة له، إلى جلسة 13 يناير المقبل للنطق بالحكم.