بالفيديو.. عبد الحميد: موظفون بالآثار طلبوا مني رشوة لتصوير شارع المعز

قال الإعلامي عمرو عبد الحميد، اليوم الأحد، إن موظفين يعملون في وزارة الآثار، طلبوا منه رشوة مالية، أثناء استغراقه في تسجيل تقرير مصور في شارع المعز للدين الله الفاطمي، بمنطقة الحسين، في محاولة منه لتنشيط السياحة بعد سقوط الطائرة الروسية المنكوبة في محافظة شمال سيناء.
وأضاف عبد الحميد، خلال برنامج «الاستحقاق الثالث»، عبر فضائية «تِن»، «وأنا بصور في شارع المعز، وعينك ما تشوف إلا النور، جالي زميلي يقولي الأخين دول عايزين يتكلموا معاك، روحت أشوف عايزين إيه، قالولي لازم يكون معاك تصريح من وزارة الآثار، مع إني معايا تصريح من وزارة الداخلية وجهات أخرى، قولتلهما إننا جايين أصلًا عشان نروج للآثار، قالولي مش هينفع، وبعد نقاش طويل، لقيت واحد ميل عليّه وقالي، لو عايز تصور راضي الشباب».
وتابع: «أنا بعترف إني مرضيتش الشباب، وأنا يا شباب لأني لم أُرضيكم، وأنا أتمنى أن القصة تصل لجميع المسئولين، وجميع الوزارات المعنية، دول اتنين موظفين من وزارة الآثار طلبوا مني رشوة عشان مش معايا تصريح، يمكن أنا غلطان إني مش معايا تصريح، لكن هذا لا يعني إنهم يطلبوا رشوة».