أخبار الأهلي : وصلة غسيل ومكوي على الهواء من شوبير لرمضان صبحي

أخبار الأهلي : تغنى الإعلامى أحمد شوبير، بأداء مصطفى محمد مهاجم الزمالك المعار لجالطة سراى التركى بعد تسجيله هدفين فى مستهل رحلته الاحترافية بالدوري التركى، وقال شوبير فى برنامجه الإذاعى عبر أون سبورت إف إم : "لازم أقول ياجماعة مصطفى يا مصطفى أنا بحبك يا مصطفى، إيه يابنى اللى بتعمله ده ، جالك عرض فرنسى بمبلغ كبير وناديك رفض وجالك عرض تركى يبقى أقل مقارنة بالعرض الفرنسى ولكنك وافقت وتمسكت بطموحك وروحت وعالطول انسجمت وسجلت هدفين ومكمل فى طموحك".
أخبار الأهلي : شوبير لرمضان : شوف مصطفي محمد ونجوم الأهلي هو ده الطموح
ويضيف شوبير: "هو ده الطموح يا رمضان يا صبحى، شوف مصطفى بيعمل إيه وطموحه إزاى فى الدوري التركى، فاكر يارمضان لما جالك عرض احتراف فى الدوري التركى ورفضته وقولت ده دوري ضعيف، لأ يا رمضان مش دوري ضعيف بس الطموح بيفرق".
وأكمل شوبير: " طب شوفت نجوم الأهلى فى المونديال، هيلاعبوا بايرن ميونخ ورغم وصول الأهلى لنصف النهائى هفضل أقول بطولة تكريمية زى كأس العالم للقارات، الأهلى ممكن يوصل للنهائى أو حتى ياخد البطولة بردو هفضل عند رأيى دى بطولة تكريمية لبطل كل قارة بس الطموح حلو، دول الناس اللى بتشرفنا ومعاهم محمد صلاح اللى قرب ياخد هداف الدوري الإنجليزى".
وتابع شوبير: "تريزيجيه وكوكا وأحمد حجازى وكل الناس اللى عندها طموح وبنقعد نفتخر بيهم ونتكلم عنهم، واللى حسام البدرى كنت معاه امبارح وقالى هتجنن بيهم وعايزهم كلهم يلعبوا ويشاركوا ويتألقوا عشان منتخب مصر".