أخبار الأهلي :نشبت مشادة كلامية بين ماجد سامي، مالك أندية وادي دجلة وأحمد المرغني لاعب الفريق الأول لكرة القدم السابق بالفريق، بسبب مطالبة "ماجد" بإلغاء بطولة الدوري. بدأت المشادة بين الثنائي بعد أن كتب المرغني:"بقالي فترة متابع اللي بيتقال علي رجوع الدوري و كل شوية بيجي قدامي كلام الاستاذ ماجد سامي مالك وادي دجلة علي رفضه التام رجوع الدوري خوفاً علي حياه و صحة الاعبين و القائمين علي المنظمومة الكروية ( انا علي فكرة معاه في رايه انه ميرجعش دلوقتي حفاظاً علي حياه الناس )".
وتابع:"بس هل هو ده اللي حقيقي في نيته ولا هو عاوز الدوري يتلغي علشان وادي دجلة بيصارع علي الهبوط !!".
وأضاف:"لو انت خايف علي حياه الناس كنت خفت علي مستقبلي لما كنت بلعب في وادي دجلة و وقفت معايا خصوصاً ان انا ساعتها كنت لاعب عندك في الفريق حتي لو شايفني قلت كلام مكنش ينفع يتقال كان ممكن الف طريقة غير اللي انت عملته معايا انك تستغني عني بالصورة اللي كل الناس شافتها و تكون مساهم في ضياع مستقبلي في الكورة".
وزاد:"و قال ايه لما انا رحت جولدي انت قولت الحمد لله اني رحت نادي !!! انت مصدق نفسك ؟؟ لاعب كان بيلعب دوري ممتاز و انت مبسوط انه راح درجة رابعه و شايف كدة انا تمام !! ؟؟". وأتم:"مش كدة و بس لا كمان كنت شاري لما كنت لاعب في وادي دجلة فيلا عندهم في كمبوند اسمه بيراميدز واك و طبعاً بعد المشكلة بفترة مكنتش بقدر اسدد المبالغ اللي عليا و اترفع عليا قضية و المهم ربنا كرمني و بعتها و دفعت الفلوس اللي عليا و الغرامات و كل حاجة راح سايب القضية شغالة و مقالوش اني دفعت من بدري". أخبار الأهلي : ماجد سامي للمرغني: انت كداب ورد ماجد قائلا:" انت كداب انت عقدك كان فاضل عليه شهرين و احنا مجددنالكش لمستواك مش للكلام اللي انت قولته احنا إديناك أجازة شهرين عشان الكلام اللي قولته اما انت كنت ماشي ماشي متكذبش الكذبة و بعدين تصدقها أنا فاكر قصتك كويس".
وعلق المرغني:" اولاً انا الحمد لله مش كداب.. ثانياً تقدر تسأل الناس في النادي انهم كلموني علشان اجدد بس طبعا. هتقولهم يقولوا لا بس كمان كان موجود مدرب كابتن حمادة صدقي هو برضه يقدر يقول انا كان مستوايا عامل ازاي".
وتابع:"ثالثاً كان ساعتها ماتش الاهلي و كنت هلعب اساسي بعد ما كنت مصاب شهر و نص سبحان الله". وأضاف:"رابعاً نرفزتك دي تدل ان الكلام صح و مش لاقي حاجة تقولها".
وأتم:"اخيراً بقي حوار الفيلا اثبتلي كدة انه كدب ، و فجأة الاقي محضر بيحجز علي الشقة ( بعد ما سددت بسنتين ) و بيقولي عليك غرامة 113 الف جنيه بدفع فيهم من السنة اللي فاتت، فلو سمحت متقولش انك خايف ان الدوري يرجع علشان الناس ".
وكتب المرغني:" يا استاذ ماجد سامي انت داخل ترد علي كل الكومنتات عندي، بس هقولك حاجة انا همشي معاك للاخر انا لاعب فاشل و كدة كدة كنتوا هتمشوني ليه لما دفعت فلوس الفيلا و دفعت الغرامة و كل حاجة فضلتوا مكملين في القضية برضه".
