رسالة حزينه للميرغني بعد ضياع مستقبله

حرص نجم فريق الزمالك السابق على توجيه رسالة إلى محبيه عقب إغلاق باب القيد بالدوري المصري للموسم الحالي.
وكتب أحمد الميرغني لاعب وادي دجلة السابق عبر حسابه الشخصي على موقع التواصل الاجتماعي فيسبوك : بمناسبة ان فترة القيد اتقفلت خلاص احب اقول اني بعد ما كتبت البوست مكنتش متوقع ان كل ده هيحصل .
وتابع : بس بعد ما روحت الفندق بعدها و شوفت اللي حصل بداية من استبعادي من مباراه الاهلي توقعت انه هيحصلي اللي بيحصل دلوقتي و اني مش هلاقي نادي بس ناس كتير كانت بتطمني و متخفش ده مش هيحصل و فعلاً لما كان حد بيكلمني علي نادي كنت بفرح بس بعد كده كان بيتأكدلي اللي كنت بتوقعه برفض اداره اي نادي .
وأضاف: بعدها ناس كتير حاولت تساعدني و انا كنت طلعت قولت اني ممكن اكون غلطت في لفظ فاشل و دي الحاجة اللي ممكن اعتذر عليها .
وتابع: بس كله كان بيقولي اني لازم اعتذر علي كلامي كله بس انا مكنتش مقتنع بصراحة و انا دلوقتي راضي ومستحمل نتيجة كلامي و قراري .
واختتم : احب اشكر كل واحد حب يساعدني او وقف معايا و حاول يدعمني حتي لو بكلام علي الفيسبوك او تويتر..وانا مش زعلان غير علي زعل امي عليا وشكراً .