أخبار الأهلي : نصيحة جوزيه الذهبي لفايلر للفوز بأفريقيا .. ورهان أيمن أشرف

أخبار الأهلي : في رحلة البحث عن ذاته ف الأجواء الإفريقية وبداية التعارف العنيف في شمال القارة إنتهاءاً بالجنوب الشقيق وفي ظل شراسة المنافسة وصخب الأجواء يقف رينيه فايلر بهدوئه المعتاد أمام ادواته ليعيد تشكيل الصياغة الفنية ويستبدل أوراقه ويضع رهانه داخل الملعب لينجح الأخير في إنتشال القدم العالقة في أم درمان ويظفر بصعود ثمين ولولا ماحدث لكان صعوده متوج بفوز هو الأول ف تاريخ الأهلي.
أخبار الأهلي : فايلر ربح رهان أيمن أشرف
أخبار الأهلي : البداية بأيمن اشرف كان رهان ناجح وثبت كفائته ف الملعب بالأخص الجانب الدفاعي، أيمن اشرف عمل ماتش تاريخي وكان ع قدر الحدث ونجح ف تحجيم خطورة الجبهة اليمين للهلال وأوقات كان بيتحول لمدافع تالت وأوقات تانية كان بيتحول لدفيندر ف نص الملعب مع تقدم محمد هاني وقدم كمان لمسات هجومية بإنطلاقاته قدرنا نستفاد منها بإنذارين للاعبي الهلال خلال الشوط الأول.
أخبار الأهلي : منار الموانئ يرشد السفن التائهة والمجتهد مروان محسن يرشد فريقه وكرات لاعبيه الضاله للمرمي، مروان قدر يفوز ب11 إلتحام هوائي من اصل15 إلتحام من لاعبي الهلال اغلب التحرك كان خارج المنطقة لمناطحة الكرة وكسب السكند بول لكن مكنش ف الزيادة والدعم الكافي من لعيبة الوسط والأجنحة وبخلاف ده مروان محسن قدم ماتش كبير ونجح ف مهمته ويستحق الإشادة.
أخبار الأهلي : فايلر إمتلك فرصتين للصعود لكنه وضع فرصة وحيدة أمام فريقه وهي الفوز فقط ومنزلش الماتش لعب تحت الكورة ولا كان رد فعل كان هو الفعل والمتحكم ف مجريات الماتش ونجح ف تطويعه اعتمد ع الكرات الطولية وقدر يستفاد منها ولعيبته عملت 77 كرة طولية بنسبة نجاح 51% قدر يدور الكورة ف منتصف ملعبه ومنتصف ملعب الهلال وعمل 333 تمريرة مقابل 222 تمريرة للهلال رغم صعوبة الأرضية والاحتكاك رقم جيد ف ظروف ماتش زي ده ومفيش منافس عمله ف ملعب الهلال حتي النجم اللي فاز عليهم، وقدر يتقدم ع الهلال بنفس الكرة القطرية العكسية اللي جه منها هدف الذهاب ف القاهرة
أخبار الأهلي : جوزيه يطلب قتل المنافس
أخبار الأهلي: جوزية كان بيقول لو جتلك الفرصة ف قتل المنافس فمترحموش وفايلر بعد هدف الأهلي وتقدم خطوط الهلال عمل 3 تغيرات هجومية بوجود وليد سليمان وكهربا وبادجي قتل المباراه ف نظره بالهجوم والأهداف مش الدفاع حتي لو كان غير موفق بخروج قفشة لكن المبدأ ده عظيم والاعظم ف كل ده هو إستمرار ونجاح فايلر ف دراسته الجيدة للمنافس والإلمام بأخطاء فريقه ولاعبيه والعمل ع التصحيح ديما وإستمرار نجاحه ف فرض سيطرته وتطويع اسلوبه ف حدود المطلوب.
أخبار الأهلي : المواقف الصعبة بتقضي أوقات ع لعيبة نفسيا وفنيا وأوقات تانية بيخرج منها لعيبة كبيرة بتكتب لنفسها بداية جديدة لوجودها وبتكون نقطة تحول ف مسيرتها زي كريم نيدفيد من بعد ماتش الترجي ، وزي ياسر إبراهيم ف ماتش الهلال اللي من اللحظة دي اقدر اقول ان الأهلي عنده مدافع قوي نقدر نعتمد عليه ونطمن لوجود اسمه ف التشكيل.