أخبار الأهلي : نقاط فنية عن لقاء الأهلي والزمالك .. وتحجيم دور ساسي

أخبار الأهلي : الأهلي في لقاء السوبر أمام الزمالك كان بيلعب علي التمرير المكثف و السريع و الخادع افشة مكلف بتعطيل ساسي اثناء استلام الكرة ونجح في المهمة ، الاهلي لعب علي التسديد كأحد الحلول حاول بكل مفاتيح لعبه سواء ثلاثي ال shadow strikers او الباكين او حتي لاعبي نص الملعب :
الشحات : 5 محاولات ( منهم 3 علي المرمي ) سجل منهم هدف
افشة : 4 محاولات واحدة بس منهم علي المرمي ( الكورنر اللي جيه جول )
اجايي : 4 محاولات منهم 3 علي المرمي ادوا لتسجيله هدفين
الباقي بقي مكانش بيمثل خطورة سواء السولية اللي له محاولتين ولا واحدة علي المرمي او رمضان و معلول و حمدي و حتي مروان اللي كل واحد له محاولة كانت برة ال 3 خشبات
أخبار الأهلي : فايلر بيثبت انه درس جزء كبير و مطمن للاهلي و ظهر هذا في ماتش كانون سبورت بتغيراته اللي ادت للهدفين لوليد و صلاح ( البدلاء ) و في ماتش الزمالك لما بدأ بأجاي كراس حربة عشان بيعرف يستلم تحت ضغط افشة كان المفتاح التكتيكي لفايلر سواء بالتحرك ناحية معلول و رمضان لتشكيل مثلث يساعد في التمرير او العكس ناحية فتحي و الشحات
أخبار الأهلي : بعض اللقطات حول لقاء الزمالك
أخبار الأهلي : اول لقطة اللي اتكلمنا فيها فوق بتاعت التمرير الكثير اللي وصل افشة للمرمي ،ثاني لقطة تمريرات ساسي الطولية لما بيستلم بحرية بدون ضغط و اللي كانت سلاح لنا لاسترجاع الكرة ، ثالث و رابع لقطة افشة كان بيستلم في ثلث ملعبنا و يبدأ الهجمة و يتحرك بدون رقابة لحد ما تنتهي الهجمة بيه ، خامس لقطة : و هي حتي بعد ال 1-0 الزمالك متراجع بشكل 4-4-1-1 رغم عدم وجود راس حربة و رغم التأخر في النتيجة و مع ذلك الاهلي ( الشحات ) قدر يخلق half space لأجاي يمرر فيها عشان يسلمه الكورة قدام عواد
أخبار الأهلي : سادس لقطة : و اللي يفتكر بين شوطين ماتش الزمالك و جينراسيون فوت لما قولت الزمالك هيستقبل الثاني و قد كان لأن ميتشو بيتقدم بلاعيبته بشكل عشوائي و ده بالبلدي بيعري مساكينه او دفاعه بشكل عام اللي بيتفضح سواء بالتمرير في اي مساحة او بيتعري تحت اي ضغط و ده ظهر في الجول الثاني لجينراسيون فوت و الثالث للأهلي