الأهلي نيوز : أخطاء فايلر وأرقام كارثية للشيخ وكيف أنقذ جيرالدو والحاوي الأهلي

الأهلي نيوز : مباراة الأهلي والمقاصة كان مفترض تكون واحدة من اسهل مباريات الدوري في مواجهة فريق عنده كتير جدا من الاخطاء الفنية. ميدو الطامح للوصول لكأس العالم للاندية سهر كتير يذاكر ازاي يوقف نقاط القوة في الأهلي الى ان اكتشف ان الأهلي قرر انه يتخلى عن كل نقاط القوة دي لمدة 45 دقيقة ، كرة القدم اسهل من انك تصعبها على نفسك شوط اول هو لاول مرة للاهلي في الدوري صفر محاولات On Target الموضوع اشبه بفرقة موسيقية كل واحد بيعزف نغمة لوحدها فالنتيجة قدر لا يمكن احتماله من الضوضاء . احمد الشيخ صفر مراوغات ناجحة وصفر محاولات on target و دقة تمرير 72 ٪؜ وعلى الجانب الاخر بتحرم معلول من كل قوته بتوظيفة كجناح. مستحيل تكسب وانت اجنحتك بالشكل دة.
الأهلي نيوز : تغييرات غير موفقه في تشكيل الأهلي
الأهلي نيوز : التغيير المنطقي كان نزول وليد وجيرالدو وخروج هاني والشيخ ودة اللي عمله فايلر وفعلا وكانك بتحقن الفريق بالمادة اللي بترجعه للحياة. النتيجة 9 محاولات On target حاجة بتعكس ان كرة القدم علم كل عامل فيها مؤثر بشكل مرعب. حتى قفشة 5 محاولات على المرمى اغلبهم الشوط التاني وسجل منهم هدف ، جيرالدو مش بس كان مميز في تسببه في ضربة الجزاء اللي فتحت المباراة او في خلقه لفرصتين او مراوغاته ولكن الاهم انه فتح الطريق لمعلول وانه سرع ايقاع الفريق
الأهلي نيوز : وليد سليمان كان مهم جدا من البداية لان وليد جيد جدا كبديل لو رمضان والشحات واجاي وكل ادواتك موجودة انما لا يمكن ان تترك القائد خارج المعركة والمحاربين خارجها. وليد تحركاته كانت مهمه وكمان ايجابيته على المرمى ، الاهلي محتاج مهاجم سوبر على طريقة جوميز وحمدالله وبونجاح دي حقيقة لا يمكن انكارها. المهاجم دة اولوية قصوى انت اكتر فريق في افريقيا بيخلق فرص حاليا ولكن الفكرة كلها في ترجمتها لاهداف. الشئ الجيد ان فايلر يعي دة جيدا
الأهلي نيوز : ولكن في ناس قررت تبدأ العام بداية عظيمة ، اولهم ديانج كعادته لا يجيد شئ في الحياة اكتر من قدرته على استخلاص الكرات. ديانج بيستخلص الكرة 17 مرة هو الاكثر في الفريقين. 40 تمريرة ناجحة من 46 ومحاولتين على المرمى ومراوغتين ولو مكنش في حالته كان الشوط الاول بقى اصعب علينا كتير ، محمود متولي فايلر ربما يجد في ضالته في الجمع بين القدرة على بناء الهجمة اللي بيدور عليها وكمان القدرة على التمركز واستخلاص الكرة . متولي دقة تمرير 88 ٪؜ و 16 مرة استخلص الكرة تاني اكتر لاعب في المباراة . اداء افضل مما اتوقع من متولي