الأهلي نيوز : مكاسب بالجملة للأهلي مع فايلر بعد لقاء الأتحاد

الأهلي نيوز : بعد فوز الأهلي علي الأتحاد ، حقق عدة مكاسب تسجل 4 اهداف في تاني اقوى دفاع في الدوري واللي استقبل 5 اهداف في 9 جولات فانت ماشي صح ، هناك توفيق بس التوفيق اللي بيجي للمخلص هو هو نفس التوفيق اللي غاب عن لاعيبة فريق بتلعب عشان الفلوس قبل اي حاجة مش عشان فريقهم دة الفارق اللي اهم من اي فارق فني ، هناك ثغرات دفاعية بس رغم ضعف ادواتك الدفاعية انك تستقبل هدف واحد فقط في 8 مباريات يبقى انت بتحاول تحقق اكبر استفادة من الادوات دي لحد ما تدعم دفاعاتك او تلاقي حلول من داخل الفريق ودة مهم جدا عشان افريقيا.
الأهلي نيوز : مكاسب رقمية للأهلي في لقاء الأتحاد
الأهلي نيوز : هجوميا الاهلي استثنائي عمل 121 محاولة على مرمى المنافسين في 8 مباريات ودة معدل كبير جدا في كرة القدم للوصول لمرمى المنافس والاهلي معملش دة من سنين على مستوى سهولة خلق الفرص. . الاهلي سجل 23 هدف في 8 مباريات بمعدل بيقترب من 3 اهداف لكل مباراة، ديانج لولا خروجه كان كسر رقمه القياسي في المباراة اللي فاتت.الاعلى في استخلاص الكرات استخلص الكرة 19 مرة. وفي رايي اللاعب دة لو تطور تكتيكيا هيبقى حاجة احنا مش متخيلين ممكن تفيدنا ازاي
الأهلي نيوز : محمد هاني بيعمل الاسيست التاني على التوالي وتاني اكثر لاعب بيستخلص الكرة 16 مرة هاني لو عالج مشاكله في التمركز هيبقى افضل بمراحل ، هدف ازارو مهم لاستعادة الثقة ولكن الشحات عمل key pass لهاني من بتوع حواري البرازيل. مقدر جدا ان الشحات بيلعب بعيد عن مكان تفوقه من بداية الدوري ومينفعش ندوس عليه عشان هو مقتنع باي توظيف المدرب يحتاجه فيه.
الأهلي نيوز : عودة الثقة لأزارو
الأهلي نيوز : استمرار ازارو في التسجيل مهم للاستفادة منه طول ما هو داخل قائمة الفريق. ولكن كان الاهم تسجيل معلول لان دة كان الوقت المناسب لعودة تاثيره مع الفريق. صنع هدف وسجل هدف وعمل 7 عرضيات وله محاولتين على المرمى ودي بدايه عودة العلولو في مباريات لازم تحتفل بيها وتستغلها نفسيا لترسيخ اليأس جوا المنافسين وانك تصدرلهم مشاكل اكبر فدعونا نبحث عن الابتعاد بالصدارة في الوقت اللي احدهم بيبحث فيه عن الاعمال السفلية والمؤامرات الدولية.