أمم أفريقيا : أسباب أفضلية زيمبابوي علي منتخب مصر .. ورساله لعلاء

أمم أفريقيا : منتخب مصر بدأ لقاء زيمبابوي بالأمس بطريقة 4/2/3/1 صريحه بوجود عبدالله في مركز 10 ونجح إنه يدخل كمهاجم ورا مروان وضيع واحدة من أجمل كور المباراة إللي لعبها من وضع حركة ببطن الرجل ، اتغير مراكز لاعبين بعد خروج مروان ونزول الحاوى علشان يبقي صلاح هو المهاجم والحقيقة صعبة جدا تنفع وجود مهاجم لو حتي هيقتصر الدور بتاعه على اشغال الدفاع وفتح مساحات بس هيقلل عليك الضغط مش هيزود،الطريقة كانت أن وليد سليمان ينزل كاوينج والباقي زي ما هو في الملعب.
أمم أفريقيا : خطة أجيري منحت زيمبابوي التفوق
أمم أفريقيا : أتغيرت بعد كده بنزول دونجا وخروج عبدالله علشان تتقلب 4/3/3 صريحة ،المشكلة إن نوعيه منتخب زيمبابوي بيلعب دفاع منطقة وبيركز علي المرتدات بعد مرور أول ربع ساعة أو بالتحديد أول تلت ساعة جالهم ثقة واتحول من فريق بيلعب كور طويلة لفريق بيطلع بالكورة وبثقة كبيرة جدا خامة بيليات عمل كل حاجه الحقيقة ،والشوط التأنى كان منتخب زيمبابوي الأفضل ولكن بعد توفيق ربنا ورجوله ايمن أشرف ومحمود علاء ونجاح الشناوي في تصدي لكرتين منهم أنفراد.
أمم أفريقيا : طب إيه إللي خلي زيمبابوي يبقي هو الأفضل بالعقل 1 – لازم يبقي فيه صبر وهدوء في إنهاء الهجمة كان الماتش هيختلف تماما وإللي يخلص يخلص مش شرط صلاح ولا عبدالله ولاترزيجيه كان فيه احتفاظ زيادة جدا الكرة ، أكبر مشكلة بنسبالي كنت بتكلم مع واحد صاحبي بقوله جبهه المحمدي هتتعبنا
صلاح مش بيدافع – المحمدي مش بيعمل واجب دفاعي ولما بيطير بطئ في الرجوع طيب دور بقي نص الملعب النني مش بيعمل ضغط إيجابي هو بيحاول يراقب من غير ما يدخل فعليا في الهجمة .
أمم أفريقيا : محمود علاء مطالب بالتركيز
أمم أفريقيا : والحقيقة هو نجح اجيري بعد تغيرة وليد إنه يقفلها شويه ، خصوصا لعب زيمبابوي كله مراتدات وعرضيات وإحنا عندنا كوارث في العرضيات ،علي الجانب التأنى أيمن أشرف عمل مباراة مقبولة جدا وساهم في الهدف الرائع لترزيجيه ، إللي حماه طارق حامد إللي حرفيا شايل نص الملعب الدفاعي ،محمود علاء مندفع وبيعمل لقطات حلوة وجرينتا بس يركز بس في التمركز جوه ال 18 آخر الكرة إللي كانت بالراس لو دخلت كانت هتضيع مجهوده ومجهود الفريق ومجهوده هو بالتحديد.