أخبار الأهلي : لقاء الأهلي وصن داونز هو إعادة لماتش شبيبة الساورة و ماتش سيمبا و الشوط التاني من ماتش الزمالك لكن مع خصم أقوى و عنده فاعلية على الجول أكتر و منظم اكتر ، العنوان مش على كارثة النتيجة لأن النتيجة كارثية ده أمر مفروغ منه لكن الكارثة في تنظيم الأهلي اللي بالمناسبة مش حاجة جديدة و مش أول مرة يكون كارثي بالشكل ده و اتكلمنا هنا كتير عن إن في كوارث تكتيكية في الأهلي مع لاسارتي و الناس كانت بتقول علينا متحاملين على الراجل ???? أخبار الأهلي : انا مش هتكلم عن النهاردة بس لأني مصمم ان اللي حصل النهاردة هو توابع اللي كان بيحصل من أول يوم للاسارتي لكن النتايج بتخلي الناس مبسوطة و الادارة مبسوطة و محدش بيفوق غير على الكارثة و اهي حصلت و أطاحت بالأهلي من بطولة أفريقيا. أخبار الأهلي : خطوطك فين يا سيد لاسارتي ؟ ليه لاعيبتك واقفة في التلت الأول من ملعبك و مبتضغطش ؟ ده أنتج طبعًا ان في مراجيح بين خط النص و خط الدفاع و خط الدفاع أصلاً اللي هو مش عارف هو بيلعب متأخر ولا متقدم و لاعيب الخط الهجومي مش عارفين هما هيضغطوا من قدام ولا المفروض يرتدوا مع خط النص و الدفاع طبعًا كل ده بيحصل و صن داونز عمال ينقل كورة من غير ضغط ولا تحليق حتى ولا بربع جنيه تمركز.. بس أهم حاجة نلعب ب3 في نص الملعب كدة احنا مأمنين و أهم حاجم الكم مش الكيف ! أخبار الأهلي : طبعًا تهريج بقى لما نتكلم عن اختيارات الراجل الكوميدية في خط الدفاع و خط الهجوم و طبعا سعد و ايمن و ياسر أحسن من رامي ربيعة و طبعا هنلعب برمضان مع آجاي و مروان و مش هنعرف نعمل هجمة واحدة بسبب انهم شبه بعض و طبعا هنلعب برمضان يمين و هو مبيعرفش يلعبها.
