الأهلي نيوز : الأهلي يمتلك ثلاث صفقات “جواهر ثمينة” شكرا طاهر

الأهلي نيوز : محمود طاهر رئيس نادي الأهلي السابق ، كان له أخطاء كثيرة وهاجمناه و إنتقدناه فى أمور سلبية و مواقف عديدة ,فلابد أن يحصل علي إشادة يستحقها لضمه ثلاثة قطع من ( الذهب ) الإفريقي بالفريق ،( على معلول – جونيور أجايي – وليد أزارو ) 3 لاعيبة من وجهة نظرى : من أفضل اللاعيبة فى مراكزها اللى بتلعب داخل القارة السمراء حالياً .. 3 صفقات سوبر و كنوز حمراء أعطت تقل للفريق فى الملعب .
الأهلي نيوز : محمود طاهر يستحق الثناء علي الصفقات الثلاث
الأهلي نيوز : علي معلول : أفضل ظهير أيسر فى القارة السمراء بلا منازع ,, سرق قلوب الأهلاوية بمعنى الكلمة ,, أصبح ( بابا نويل ) و ( مصدر السعادة ) لكل الأهلاوية ,, اللاعب الأكثر صناعة للأهداف و الأعلى تأثيراً فى الفريق الفترة الأخيرة ,, بيمثل 50 % من القوة الضاربة للأهلي بلا منازع ,, واحد من أفضل صفقات الأهلي المحترفين على مر التاريخ الأهلاوي ، قليل لما بيكون فيه ظهير بيمثل قوة ضاربة فى الفريق .. وقليل لما يتواجد ظهير بيكون ( طائر ) وبيأخد الخط كله لوحده بنفس المجهود وتكون عنده الدقة ديه فى العرضيات ..
الأهلي نيوز : جونيور أجايي : بيتظلم كتير لما بيلعب ع الطرف أو بيلعب مهاجم صريح , لكن أجايي لما بيقوم بدور المهاجم الوهمي او الشادو سترايكر بيكون عنصر قوة هجومية ولاعب إيجابى جداً ، أجايي ليه لمسات تشعرك بإن القارة السمراء فيها مواهب ( برازيلية ) , أجايي بيلعب الغير متوقع وديه الحقيقة مفتقدة فى لاعيبة إفريقيا من أصحاب البشرة السمراء وأخر اللاعيبة دول اللى بيلعبوا الغير متوقع كان لاعب نيجيريا السابق المعتزل ( أوجستين أوكوشا ) ، من أمهر .. أمهر المواهب السمراء داخل قارة إفريقيا حالياً
الأهلي نيوز : الأهلي يمتلك ثلاث صفقات أفريقية من العيار الثقيل
الأهلي نيوز : وليد أزارو : يعيبه فقط اللمسة الأخيرة لو أستطاع أن يظبط الفينش ويكون عنده تارجت ( مروان محسن ) فى الصندوق أزارو هيصبح فى مصاف المهاجمين الأفارقة و الهدافيين المحترفين الأفضل اللي لعبوا فى مصر على مر العصور ، أزارو لما نزل الشوط التاني عمل ( دربكة ) فى دفاع شبيبة الساورة .. لاعب سريع جداً جداً و قوى و مشاكس أووى وتحركاته النشيطة بتربك و بتعمل خلل فى أى خط دفاع , المهاجم ده من نوعية المهاجمين اللى بيتعملهم حساب من مدافعي الخصوم و مدربينهم ، أزارو من أفضل المهاجمين الأفارقة اللى بتلعب جوه القارة وبعتبره هو ومعاه الكونغولي بن مالانجو مهاجم مازيمبى هم الأفضل داخل القارة حالياً …