اضحك مع تصريحات الزملكوية فى أسبوع !!

طالعتنا الصحف والمواقع والقنوات فى الإسبوع الأخير ببعض الطرائف والتصريحات المضحكة من جانب من ينتمون لنادى الزمالك ، ورأينا كواجب علينا شكرهم وإبراز مجهوداتهم فى الترفيه عن الشعب المصرى خصوصاً فى تلك الأوقات العصيبة !!
- شيرين فوزى : مئوية الزمالك أفضل مئوية فى التاريخ !! مش عارف ليه إفتكرت ساعتها مقولة المخرج والممثل العبقرى أحمد توفيق الشهيرة فى فيلم شىء من الخوف لما قال ‘‘ أنا أجدع من عتريس '' بالفعل عاش الأهلى عتريس الأندية المصرية .
- والد اللاعب حازم إمام : ميدو سب لإبنى بالدين !! ماشاء الله ما شاء الله على التربية والأخلاق هى دى الأندية ولا بلاش !!
- ميدو : أنا ما تخانقتش مع حازم ولو كنت إتخانقت معاه كان زمانه مات !! يا بنى إنت مستقبلك مضمون بعد ما تخلص على فلوس ناديك هتبقى بودى جارد محترم !!
- جلال إبراهيم : اللى يبيعنا نبيعه !! إشارة لعدم الرغبة فى التعاقد مع جدو !! بص يا حاج جلال اى لاعب من بتوع الدكة اللى ما بيلعبوش أو حتى ناشىء فى الأهلى ، تتمنوا ييجى عندكم ومش بس كدا دا هيبقى أساسى ونجم فرقتكم كمان !! وأفكرك بحسين ياسر اللى بتحفوا وراه دلوقتى !!
- مرتضى منصور : طارق غنيم وشيرين فوزى إتصلوا بيا علشان ما أتصالحش مع عباس علشان يفضلوا فى المجلس المعين !! أدى الرجالة ولا بلاش .
- ممدوح عباس : مرتضى منصور طلع راجل !! سبحان مغير الأحوال هى بوصلة الذمم باظت ولا إيه ؟!!
- ميدو : الزمالكوية بيفضحوا ناديهم !! عكس الأهلى محترمين .. وشهد شاهدُُ من أهلها .
- كريم شحاتة : الزمالك ماشى جهجهونى !! ايه يا عم الكلام الكولومبى دا !! فعلاً مذيع محترف ، الله يخرب بيت الواسطة .
- إسماعيل يوسف : التوقف جاء فى الوقت المناسب !! تذكروا كلماته تلك ، وتذكروا الكلمات الآتية أيضاً : الزمالك أكثرالفرق تضرراً من توقف الدورى !!