النشطاء السياسيون الخائنون والإعلاميون.. وعصابة الإخوان الإرهابيين إيد واحدة

بعدما سمعت التسجيلات التى أذاعها الإعلامى الشجاع عبدالرحيم على عن الأخوة اللى بيسموا نفسهم نشطاء سياسيين وعملين فيها مناضلين وهمه بيضحكوا على نفسهم وبيضحكوا على المصريين والتسجيلات الصوتية فضحتهم وكشفتهم وبانوا على حقيقتهم انهم ناس عملاء وخونة لمصر والمصريين وانهم ناس خانوا بلدهم وخانوا شعبهم للاسف الشديد ومع ذلك وثبوت تهمة الخيانة، بعض الإعلاميين القذرين بيدافعوا عن هؤلاء الخائنين وعايزين يعملوهم أبطال ومناضلين وهمه ناس خائنين.
وهؤلاء الخائنين ينطبق عليهم اسم «بئر الخيانة» وهو الفيلم الشهير الذى قدمه النجم الكبير والقدير نور الشريف وكان جزاء الخيانة فى الفيلم عقوبة الإعدام للخائن الذى يخون ويبيع بلده لاعداء بلده ودلوقتى فى الزمن المنيل بستين نيلة الذى نعيشه اصبحت الخيانة فيه بطولة وحنروح بعيد ليه مش احنا رئيسنا السابق الرئيس المقلوب محمد مرسى كان متهم أيضا بالتجسس والخيانة وكان محبوس بتهمة التجسس والخيانة وهرب من السجن هوه وعصابته عصابة الإخوان المقلوبين الارهابيين وعملوا صفقة مع المشير طنطاوى ومجلسه العسكرى السابق اللى سرقوا وباعوا الثورة لعصابة الاخوان الارهابيين المقلوبين وفى لمح البصر أصبح الجاسوس الخائن لمصر رئيسا لدولة وشعب مصر وبكده يبقى مرسى المقلوب وعصابته همه اللى خلوا الزمن ده بقت فيه الخيانة بطولة ولكنها للاسف الشديد بطولة وهمية وبطولة زائفة وزائلة وزى ما عصابة الاخوان الارهابيين المقلوبين خائنين لمصر وشعب مصر أيضا هؤلاء النشطاء السياسيين خائنين لمصر وشعب مصر باعترافاتهم بلسانهم فى التسجيلات الصوتية التى أذاعها الاعلامى الشجاع الزميل عبدالرحيم اللى باعتبره بطل حقيقى لانه كشف هؤلاء الخونة اللى اصبحوا همه وعصابة الاخوان الارهابيين المقلوبين الخائنين إيد واحدة فى خيانة بلدهم ووطنهم وشعبهم وبكده يبقى «النشطاء السياسيين الخائنين وعصابة الاخوان الارهابيين إيد واحدة فى الخيانة لمصر وشعب مصر».
نشر بعدد 683 بتاريخ 13/1/2014