سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
أحدث نكتة.. أقباط يعترضون علي أغنية عبدالحليم حافظ «أحلف بسماها وبترابها» لأن الإنجيل يقول: لا تحلفوا بالسماء فهي كرسي الله ولا بالأرض لأنها موطئ قدمه والأبنودي يعلق ساخراً
· انا بطلت أكتب نثر وبعدين أنا مش ببقي قاصد اني اكتب شئ معين هي الحاجة بتيجي كده لوحدها بعد مرور 43 سنة علي أغنية «أحلف بسماها» للعندليب الاسمر عبد الحليم حافظ التي غناها عام 1967من كلمات عبد الرحمن الابنودي والحان كمال الطويل والاغنية التي وعد حليم ان يغنيها في كل حفلاته الي ان تتحرر أرض سيناء. أثار بعض من الاقباط غضبهم وطرحوا فكرة غريبة بان عبد الحليم وعبد الرحمن الابنودي يحرضان علي معصية الله لانه مكتوب في الانجيل لا تحلفوا بالسماء لانها كرسي اللله ولا بالارض لأنها موطئ قدميه. فسألنا القمص عبد المسيح بسيط المتحدث الاعلامي للكنيسة الارثوذكسية فقال مكتوب في انجيل متي الاصحاح الخامس لاَ تَحْلِفُوا الْبَتَّةَ لاَ بِالسَّمَاءِ لأَنَّهَا كُرْسِي اللَّهِ، وَلاَ بِالأَرْضِ لأَنَّهَا مَوْطِئُ قَدَمَيهِ وَلاَ بِأُورُشَلِيمَ لأَنَّهَا مَدِينَةُ الْمَلِكِ الْعَظِيمِ.، وَلاَ تَحْلِفْ بِرَأْسِكَ لأَنَّكَ لاَ تَقْدِرُ أَنْ تَجْعَلَ شَعْرَةً وَاحِدَةً بَيضَاءَ أَوْ سَوْدَاءَ.،بَلْ لِيكُنْ كَلاَمُكُمْ: نَعَمْ نَعَمْ لاَ لاَ. وَمَا زَادَ عَلَي ذَلِكَ فَهُوَ مِنَ الشِّرِّيرِ. هنا الامتناع عن الحلف تماما ولكن اغنية عبد الحليم هذه مجرد كلمات شعرية كتبها الابنودي تعبر عن مشاعر وطنية ولا تدخل في التطبيق العملي بمعني لا يوجد احد يقف في محكمة مثلا ويحلف بسماء مصر او بأرض مصر او يحلف امام شخص . فهذا تعبير بلاغي يوحي بشدة الحب للوطن واحنا ناس غير حرفيين في استخدام الكلمات والالفاظ . ومن يثير ذلك فهم من يتعاملون بحرف الكلمة وليس بروح الكلمة، ونحن نقول دائما الحرف يقتل. ومن جانبه قال الشاعر عبدالرحمن الأبنودي: الحقائق كلها أصبحت نكتة في الزمن دا. الاقباط زعلانين لأن عبد الحليم بيغني اغنية احلف بسماها وبترابها لأن الانجيل بيحرم الحلفان بالسماء لأنها كرسي الله والارض لأنها موطئ قدميه .فما تعليقك؟ احنا ماقلناش علي السماء بتاعة إله المسيحية وإله الاسلام احنا قلنا علي سماء مصر واحنا خدنا حتة قد كدا وغنينا ليها وسبناله سماء الكون كله وبعدين انا دفعت رشوة للمسيح علشان ما يزعلش وكتبتلوا، يا كلمتي لفي لفي الدنيا طولها وعرضها وفتحي عيون البشر للي حصل علي ارضها علي ارضها طبع المسيح قدمه علي ارضها نزف المسيح ألمه في القدس في طريق الآلام وفي النخيل رنت تراتيل الكنايس في الخلا صبح الوجود انجيل تفضل تضيع فيك الحقوق لامتي ياطريق الالام وينطفي النور في الضمير وتنطفي نجوم السلام ولامتي فيك يمشي جريح .. ولامتي فيك يفضل يصيح مسيح ورا مسيح علي ارضها تاج شوك فوق جبينه وفوق كتفه الصليب دلوقتي ياقدس ابنك زي المسيح غريب غريب تاج الشوك فوق جبينه وفوق كتفه الصليب خانوه خانوه نفس اليهود ابنك يا قدس زي المسيح لازم يعود علي ارضها لو كانوا الفلسطينيون واليهود حبوا سماء وارض فلسطين وغنولها زي ما احنا حبينا مصر وغنينا لها ما كان يجري فيها اللي بيجري. مصر أهلها أحبوها وغنولها اقباط ومسلمين اللي بيحصل، دا كله غريب علي المصريين، انا حتي كنت بتكلم مع ناس فقولت لهم ليه ما تعملوا نجع حمادي وفرشوط زي ما عملتوا محافظة الاقصر بس تسموها محافظة الشر، كام حالة بنسمع عنها كل يوم من مشاكل بين مسلمين ومسلمين في المنطقة دي وبقي في مصر في شيعة وسنة وفي نوبي وسيناوي وعربي هواري مادام انت قولت في مسيحي ومسلم استحمل بقي . وقت جمال عبد الناصر ما كنا نسمع عن ده كله. وانا كاتب احلف بسماها وبترابها احلف بدروبها وابوابها احلف بالقمح وبالمصنع احلف بالمدنة وبالمدفع ، يعني انا هقوم احلف بالابواب وبالمصانع دلوقتي ؟!! واحنا غنينا للسماء والارض اللي حبينها واذا المسيح زعل يبقي يكتبها بقي في دفتره ويوم القيامة نبقي نتناقش في الموضوع دا انا وهو مع بعض. هل الاغنية كانت مكتوبة لجمال عبد الناصر لانه كان يريد توحيد الامة العربية؟ انا عمري ما كتبت اسم حد، والاغنية كنت بكتبها لينا احنا، وبنغنيها احنا، دا ماجدة الرومي اللبنانية بتغنيها . امتي هتكتبلنا قصيدة جميلة بالمعاني الحلوة دي تاني؟ انا بطلت اكتب نثر وبعدين انا مش ببقي قاصد اني اكتب شئ معين هي الحاجة بتيجي كده لوحدها .