وفاء عامر تكشف " لبرنامج كلمة أخيرة " سر دخولها عالم التيك توك وعلاقتها باللاعب شيكا .. اعرف التفاصيل

في أول لقاء تليفزيوني ببرنامج "كلمة أخيرة" تقديم الإعلامي أحمد سالم على قناة ON، ردت الفنانة وفاء عامر على الاتهامات التي طالتها مؤخرا وعلاقتها بلاعب الزمالك السابق إبراهيم شيكا، وأسباب دخولها مجال تيك توك، وعلاقتها بأم مكة إلى موقفها من الانتقادات التي تعرضت لها على مواقع التواصل الاجتماعي.

وعن سبب دخولها مجال "التيك توك"، قالت إنها دخلت هذا المجال قبل 3 سنوات، بعد أن تواصل معها أحد الصحفيين لمساعدة الطفلة رقية، من خلال جمع التبرعات تحت إشراف وزارة التضامن الاجتماعي وصندوق تحيا مصر، مؤكدة أنها فوجئت بجمع 9 ملايين جنيه في البداية ثم وصل المبلغ لاحقا إلى 42 مليون جنيه، رغم أنها لم تكن من المهتمين بالسوشيال ميديا من قبل.
وعن معرفتها بلاعب الزمالك السابق إبراهيم شيكا، أوضحت أنها تعرفت عليه لأول مرة يوم 31 أكتوبر، بعدما أبلغها عدد من الصحفيين أنه مريض بالسرطان ويحتاج إلى علاج.
وأضافت أنها دخلت معه في محادثة، وأرسلت أوراقه الطبية إلى أحد أقاربها في أمريكا، مضيفة: "لما شفت شعره كثيف فكرت أنه معندوش كانسر وربنا يسامحني".
وبخصوص اتهامات والدة شيكا حول وجود جروح بجانبه، ردت وفاء عامر قائلة: "الورق موجود، وأي حد ممكن يروح لدكتور ويتأكد من المسح الذري إذا كان فيه مشكلة بالكلى أو لا".
وحول إعطائها شقة لإبراهيم شيكا، أوضحت أنها جمعت تبرعات بمعرفتها، والهدف كان تأمين مستقبل أولاد إبراهيم.
وقالت: قبل ما يموت رحت لهم البيت، لقيت إنه ما ينفعش واحد عنده جروح بالشكل ده يقعد في بيت كده، هبة قالت لي معانا 100 ألف علشان أشتري شقة، بدأت أجمع فلوس وبعت المحامي مع هبة ومعها شيك بتمن الشقة، لكن عليها 150 ألفا، دلوقتي هنعمل توكيل للمحامي ونسترد الشقة بسبب المشاكل من والدة إبراهيم وأخواته لأن عدم الرضا وحش".
وعن علاقتها بأم مكة وأم سجدة: "أم مكة عصامية وبدأت من الصفر وأم سجدة معرفهاش لكن قلت مش ده شكل الست المصرية ولا صوتها".
وأكملت: "عمري ما أكسر بخاطرها. أنا ست عادية عملت فرح السواق بتاعي في بيتي والمساعدة بتاعتي كمان".
وعن سبب رفض أم مكة تسجيل لقاء قالت: "عندي المحادثة بينها وبيني، بتقول حبسني جوه، والظلم ظلمات. قدمت الشات لإدارة القناة وبطلب منهم يعرضوه وأم مكة عندها 4 عيال وعيال أخوها أنا بقولهم: أنتم بتناموا كويس؟ الظلم ظلمات".
ووجهت رسالة للفنانة بدرية طلبة: "إنتي حاسبتي على مشاريب مش بتاعتك وأنا اشتغلت تحت إيد جوزك، وكان محترم جدًا".
وأكدت: "أنا هفضل واقفة على رجلي، وبلدنا بلد مؤسسات، ومش هتنازل عن اللي أذوني. وبأقرأ مجموعة من الأعمال، وممكن أشارك في مسلسل أو اتنين أو تلاتة في رمضان. أنا واخدة حاجة ملهاش علاقة بحاجة وبحاسب على حاجة ما عملتهاش.
واستطردت: "محدش خذلني، حتى جمهوري ما خذلنيش ربنا يكرمكم، ومفيش حد موقفش جنبي. حتى اتحاد النقابات الفنية".
وكشف الإعلامي أحمد سالم، أن وفاء عامر شيدت مسجدا، حيث أخبره أحد المقربين منها، لترد وفاء عامر باكية: "ما قلتش إيه يخليني أقول أنا عملته لبلدي ومن خير بلدي ولوجه الله رفضت اسمي يتحط عاوزاه يتحط فوق، أنا أول مرة أقول وحلمت به يكون تلات أدوار وفعلا عملته كده و".
وفي ختام حديثها، أكدت أنها تقرأ حاليًا عدة أعمال فنية، وقد تشارك في عمل أو أكثر خلال الموسم الرمضاني المقبل، مضيفة: "هفضل واقفة على رجلي ولسه عندي كتير أقدمه".
واختتمت: "طول ما أنت صح، ما يهمكش من حد، ومزعلتش من اللي بيهاجموني على السوشيال ميديا قد إيه؟ خمسين كومنت؟ مصر فيها 120 مليون وأنا ماشية في الشارع الناس بتحس بيا ويطبطبوا عليا. اللي على السوشيال ميديا ما بيهمنيش".