بدل من حزب الإخوان المسلمين يبقوا حزب اللحاسين لكلامهم زى مرسى رئيسهم

وأنا عارف إن الاخوان ورئيسهم مرسى مدمنين (لحس كلام) وممكن نقول عليهم همه ورئيسهم حزب المنافقين كمان لانه يوجد حديث عن المنافقين قاله سيد الخلق اجمعين سيدنا محمد (ص) خاتم الانبياء المرسلين: «آية المنافق ثلاث: إذا حدث كذب وإذا وعد أخلف وإذا اؤتمن خان» والاخوان ورئيسهم مرسى عملوا الثلاث حاجات إللى يعمل واحدة منهم يبقى منافق من المنافقين بكلام خير الخلق اجمعين عليه سلام وصلوات الله رب العالمين والذى حفظه الله سبحانه وتعالى الى يوم الدين وقال له فى كتابه المبين القرآن العظيم: «إنا كفيناك المستهزئين» واقول للإخوان المنافقين اللاحسين لكلامهم كعادتهم وهمه ورئيسهم مرسى اللى بيمثلهم همه بس ولايمثل اغلبية الشعب المصرى الذى تم فرض عليه مرسى رئيسا بالعافية بصفقة ثنائية بين فلول الاخوان وفلول المجلس العسكرى، الاخوان فى مصر حوالى عشرة ملايين اللى بيمثلهم مرسى رئيسا ولكن هناك 80 مليون مصرى لايمثلهم ولايشرفهم ان يكون رئيسهم هو رجل الاخوان المنافقين.
وكلمة الاخوان المنافقين ديه مش من عندى ده حديث الرسول هوه اللى بيقول عليهم والاخوان المسلمين بأفعالهم واقوالهم همه ورئيسهم اصبحوا من المنافقين بعدم الوفاء بعهودهم وكذبهم فى كلامهم ولحسهم اقوالهم بالظبط زى ما كان الرئيس السابق مبارك منافق ولا يفى بوعده وقعد يضحك على شعبه 30 سنة من الكذب وفى النهاية خلعه شعبه بإرادة ربنا سبحانه وتعالى وأنا واثق إن إرادة ربنا ستنقذنا من عصابة الاخوان المنافقين التى تحكمنا او تحتلنا باسم الدين
نشر بالعدد 617 بتاريخ 8/10/2012