خبط بالعقل.. كورس ديني متطرف عجب ب295 جنيه.. انتفاضة للشعب التركي ضد النظام 15 يوليو.. قطر تطالب الدول المقاطعة لها بتعويض «شفت بجاحة اكتر من كده»

قطر تطالب الدول القاطعة لها بتعويض "مشفتش بجاحة أكتر من كدة"
هو مين مع مين. ومين راح فين؟..سؤال لازم نعرف إيجابيته مش كدة ولا إيه؟.. فعلا البجاحة ليها ناسها أه وربنا..انا هقولك أيه إللي قطر عملته..بص بقي ياسيدي وأنتي كمان يا سيتي قطر تطالب الدول إللي قاطعتها بتعويض..أه وربنا بتعويض..صحيح اللي اختشوا ماتوا دة فيه حاجات تانية كتير لازم نقولها أصلها "شتايم في بلد بنت تيت".. يعني كمصر والسعودية والبحريين والإمارات لازم تدفع تعويض عشان قاطعت بلد داعمة للإرهاب..نكونش شهرنا بيكي يا قطر ولا حاجة؟.. كل بلد من دول وغيرهم أتبهدلت بسبب دعمك للإرهاب وتمويلك ليهم..بس هنقول إيه في ناس بجحة ومحستيش يعني إيه كل يوم حد يموت من ولاد البلد..ومشفتش كمان حرقة وصويت أم وهي بتودع أبنها ولا يوتم أطفال ميعرفوش أي حاجة في الدنيا غير أنهم أتحرموا من أبوهم..فوقي يا قطر أنتي صغيرة أوي وسط الدول دية..مش كدة ولا ايه؟..

قرار بضبط 141 داعشيا خططوا لسلسلة عمليات إرهابية كبرى في البلاد
كان يامكان كان في حاجة كدة أسمها إسرائيل استولت علي سيناء إللي هي تابعة لمصر طبعا..وجت حرب أكتوبر ومعاهدة السلام والكلام دة كله وسيناء رجعت تاني لمصر.. وبعد مرور يجي أكتر من 30 سنة علي استرداد سيناء طبعا بقوة وعظمة الجيش المصري.. ظهر وباء غريب محدش فهملة أي حاجة ولا له أي لازمة غير انه بيطلع عينا عمليات إرهابية وقتل ودبح وقال إيه بقي واخذين الإسلام ستارة لعميلهم السودة فهمتوا بتكلم عن مين؟..صح "داعش" إللي عوزة تاخد سيناء وتبقي ولاية سيناء خاصة بيهم..هي الناس دية عيشة ازاي؟..هو الإسلام أمر بكدة؟.. فعلا أنتم دين أبوكم أيه؟..المهم بقي انه طلع قرار بضبط 141 داعشيا خططوا لسلسلة عمليات إرهابية كبرى في البلاد..بجد تسلم الأيادي تسلم يا جيش بلادي..
كلهم شايفين وعارفين إلا أنتي يا قطر..وكالة إيطالية بتقول إن السيسي يقود حرب شرسا ضد الإرهاب
يعني نجيب مين تاني عشان تصدقي يا قطر أنك داعمة للإرهاب؟..كل العالم عارف دة وأنتي يا قطر الوحيدة إللي مش شيفاه..بس بقي المفاجأة إن وكالة إيطالية مشهورة أوي أوي قالت إن الرئيس المصري السيسي يخوض حربا شرسة ضد الإرهاب وأكدت كمان إن قطر تمول كيانات مسلحة..ربنا يخليك لينا يا ريس ياللي حامينا ورافع راسنا في كل العالم..

انتفاضة شعبية في تركيا 15 يوليو
من حفر حفرة لأخية إيه اللي بيحصلوا؟؟بيقع فيها مش كدة ولا ايه؟..ودة إللي بيحصل في تركيا إللي ساعدت في تدمير الشرق الأوسط..بص بقي وشوف لعبة الأيام.. قبل أيام من ذكرى حركة الجيش.. الأتراك يرفعون شعار "العدالة" فى وجه النظام التركى.. محتجون يرفعون كارت أحمر لأردوغان وإعلام النظام يتجاهلهم.. أوروبا تمنع إحياء الذكرى على أراضها.. ومصادر: انتفاضة شعبية 15 يوليو..انتفاضة..إزاي؟..دة بقي إللي هنعرفه يوم 15 يوليو انشاء الله.. "يمكرون ويمكر الله والله خير الماكيرين"..
كورس ديني متطرف ب296 جنية
محدش بقي بيعمل حاجة لله خالص.. تخيل لما يبقي المفروض رجل دين أو داعي للدين يعني وبياخد من الناس فلوس..رايحين بينا علي فين يا قدوتنا أو يا شيخنا.."ادفعلى شكرًا"شعار دعاة الدعوة السلفية اللي نقلوا منابرهم للسوشيال ميديا بعد فشلهم فى المساجد والشوارع لاستقطاب الشباب ونشر دعواتهم للأفكار المتطرفة وبكام بقي الكورس الديني المتطرف دة ب295 جنيهًا ثمن الحصول على الدورات عبر صفحات فيس بوك..يانهار أسود ومنيل..تخيل كدة أروح اخد درس دين ادفعلوا فلوس..بس بصراحة يعني غياب دور الجهات المسئولة عن نشر الدين هو اللي بيخلي ناس زي دية تتلاعب بدماغ وفلوس الشعب..
وثائق للمنشقين عن جماعة الإخوان
أشربوا بقي شوية من اللي ورتهولنا السنين اللي فاتوا..ربنا مبيسبش والله وهتشوفوا أنكم هتخفوا من الدنيا كلها..يا جماعة بتاخد الدين ستارة لمصالحهم.."الإخوان بياكلوا بعض".. الإرهابية تتلقى ضربة كبرى من الفيوم وبنى سويف.. أعضاء الجماعة بسجن الفيوم ينفصلون عن التنظيم فى وثقية مكتوبة: بعد مراجعات لسنا بحاجة لتنظيمات دينية تدفع بأبنائها للصراع مع الشعب والدولة..ولسة مشفتوش حاجة..
كل حبتين من التين الشوكي كل يوم عشان صحتك تبقي تمام
نصيحة علي الماشي..عارفين التين الشوكي طبعا إللي بيطلع في الصيف دة..لازم تاكله منه علي الأقل 2 في اليوم لية بقي؟..عشان صحتكم هتبقي أحسن كتير..إزاي؟..أصله بيعالج مشاكل البطن وبيقوي الأسنان والعظام..وبيحد من الإصابة بالسرطان..وكمان بيقوي الماعة وبيخسس..كل منه كل يوم عشان صحتك هبقي تمام..