غدا ..."مناهضة أخونة مصر"تبدأ حملتها "صوتك أمانة" من القليوبية

أعلنت الجبهة الشعبية لمناهضة أخونة مصر أنها ستبدأ في الغد أولى جولات حملة "صوتك أمانة" التي أطلقتها
وأضافت الجبهة فى بيان لها اليوم السبت أنها ستبدأ من محافظة القليوبية بالتعاون مع أمانة الجبهة هناك الساعة 12 ظهراً
كما أن الجبهة ستقوم بتوزيع الآف المطبوعات باللهجة العامية لتصل الي المواطن البسيط .
وجاء ونص البيان :
" طبعاً كلنا عارفين إن البرلمان القادم أهم وأخطر برلمان في تاريخ مصر عشان فيه صلاحيات كتير جداً له بموجب الدستور وده يخلينا كلنا نحس بمسؤلية كبيرة علينا عشان وطننا وبلادنا عشان أولادنا وأحفادنا عشان لازم يكون فيه نواب بتدور علي الصالح العام من تشريعات وقوانين تحقق لينا كل طلباتنا اللي كنا بنادي بيها في ثورتين تحقق لينا عيش وحرية وعداله وكرامة تحقق تعليم محترم وصحة وعلاج وتقضي علي البطالة .. بس لازم نفتكر كويس إن الثورة الاولي كانت علي عصابات الحزب الوطني اللي بقلها 30سنة بتستغل صوتنا وتحقق منافع وأغراض شخصية وحصانة تستغل في النهب والسرقة . وثورتنا التانية علي كل اللي أستغلوا الدين في اللعب علي مشاعر البسطاء وكلنا فاكرين الزيت رالسكر وخلافه . المرة دي صوتك أمانه لوطنك ولأبنك . متخليش حد يستغلك لا من نظام الحزب الوطني اللي نازل بمسمبات أخرى ولا من الجماعات اللي بتستغل الدين في النصب السياسي . "