إلي البلكيمي بعد تجميل مناخيره «اتكل علي الله واشتغل رقاصة»

قلنا قبل كده إن الاخوان المسلمين والسلفيين دول ناس بيتاجروا بالدين ماحدش صدقنا ودلوقت بانت أول فضائح الاخوة السلفيين عن طريق البلكيمي عضو مجلس الشعب عن حزب السلفيين البلكيمي ارتكب فضيحة كبري عندما كذب في واقعة تجميل مناخيره.. وزمان في الحزب الوطني كانت فيه فضائح «نواب سميحة» و«نواب القروض» و«نواب النقوط» ودلوقت حزب النور السلفي فيه فضيحة نائب «المناخير» أنور البلكيمي وهذه الفضيحة تؤكد أن الإخوان والسلفيين ناس بيتاجروا بالدين ويستخدمون الدين واللحية لتحقيق هدفهم أو أهدافهم بالوصول إلي السلطة والحكم.
سيادة النائب السلفي أنور البلكيمي عايز أسأل سؤال هو انت قمت بعملية تجميل لمناخيرك ليه ناوي تغني إن شاء الله ولا ناوي تقلد هيفاء وهبي علشان كده عملت عملية تجميل لمناخيرك.. بس أحب أقولك ياسيادة النائب السلفي البلكيمي إنك بعد عملية تجميل المناخير لازم تعمل ايضا عملية لتجميل (.....) بتاعتك لأن هيفاء وهبي عملت عمليات تجميل في كل حتة في جسمها من مناخيرها لشفايفها لمقدمتها والمقعدة.
سيادة النائب السلفي البلكيمي أحب أقولك زي ما قال العبقري الراحل توفيق الدقن «أحلي من الشرف مافيش» و«صلاة النبي أحسن» سيادة النائب السلفي البلكيمي «اتكل علي الله واشتغل رقاصة زي ما قال الزعيم عادل إمام في مسرحية شاهد ماشفش حاجة».. أسيب فضيحة السلفيين بتاعة مناخير البلكيمي وأروح تاني للمتهمين في قضية التمويل الأمريكاني وحاسيب المتهمين لاني مش حاعمل زي المثل إللي بيقول «ماقدرش علي الحمار فقدر علي البردعة» ولذلك هاسيب المتهمين الامريكيين اللي همة «البردعة» وحاكتب عن الحمار وبصراحة هو مش حمار واحد همة أكثر من حمار اللي أهانونا وذلونا أمام الامريكان.. وأحب أقول لرئيس الحكومة الجنزوري انت قلت مقولة شهيرة «لن نركع لامريكا» وطبعا بعد اللي حصل وسفر المتهمين الامريكان غصب عننا أقول للجنزوري إحنا مش ركعنا ده احنا اتبقلظنا من الامريكان.
بالبلدي كده الأمريكان مش ركعونا دول قلعونا وبقلظونا.