بالفيديو .. مشروع جديد لجوجل لتوصيل الطلبات الى المنازل بطائرة بدون طيار

مشروع جوجل الجديد والي اسمه Project Wing والي هينافس خدمة Amazon Drones في توصيل الطلبات من خلال الطيارة, ابتدي يشوف النور بعد ابحاث وتطوير لمدة سنتين
المشروع غرضه توصيل طلبات الشحن لخدمة Google's Shopping Express عن طريق طيارة صغيرة, ومش شرط لتوصيل طلبات الشحن بس .. لا كمان ممكن تنفع في الأزمات والزنقات وتوصل اسعافات اولية وامدادات بسيطة
الطيارة وزنها حوالي 9 كيلوجرام وليها اجنحة طولها حوالي 182 سم فيها مراوح, وهي بنفس شكل الطيارة العادية وبتطير زيها بس الغريب انها بتطلع وبتقف في الجو بنفس فكرة الهليوكبتر, وده يخليها مش محتاجة مكان مخصص للطلوع والنزول وكمان هتطير بصورة اسهل واسرع
المشروع بتاع امازون الي شغال علي نفس الفكرة كان بيستخدم طيارة Drone ام 4 مراوح الي بيسموها Quadcopter وكان لازم الطيارة تنزل علي الأرض علشان تسيب الشحنة وتطير تاني
في جوجل اكتشفوا ان ده خطر وممكن يكون في حد عايز "يلعب" في الطيارة ويتصاب, فقرروا ان الطيارة بتاعتهم مش هتنزل علي الأرض وبدل كده هتنزل شحنها بحبل علي الأرض وهي فوق (اشي خيال والله)
طبعاً مشروع زي ده لا يمكن نشوفه في الوطن العربي (ماعدا دبي) وحتي بره كمان صعب الفترة ديه لأنه لسه تحت التطوير الي مسئول عنه قسم Google X Labs