مستخدمو تويتر يتذكرون أشهر «إفيهات» الثورة: من «تامر بتاع غمرة» و«جبنة نستو يا معفنين» إلى «زواج مصر وأمريكا»

فتحت التصريحات المنسوبة لوزير الخارجية المصري نبيل فهمي بخصوص العلاقات المصرية الأمريكية، الباب أمام موجة من التعليقات الساخرة والمستهجنة لتشبيه العلاقة بين مصر وأمريكا كعلاقة الزواج الشرعي، مما اعتبره البعض «إفيهًا» جديدًا يضاف «لإفيهات» الثورة.
ومن هنا بدأ المحامي الحقوقي جمال عيد هاشتاج #اذكر_إفيهات_الثورة على موقع التغريدات القصيرة «تويتر» الذي شهد نشاطًا كبيرًا من مستخدمي الموقع، بتغريدته «ما بين الراجل اللي ورا عمر سليمان، وعلاقة مصر بأمريكا زواج شرعي #اذكر_إفيهات_الثورة».
العام الأول.. بيتزا وتامر بتاع غمرة وشاي الثورة
رغم ازدحام الذاكرة بالكثير من الأحداث خلال السنوات الثلاث الفائتة، إلا أن الشباب استطاعوا تذكر «إفيهات» الثورة منذ اليوم الأول، فقالت هينار صبري: «ادوله فرصة يا جماعة ده زي أبونا عيب»، وتذكرت سولا: «تامر بتاع غمرة»، وقال العربجي: «ريش وبيتزا»، أما الجوكر فرأى أن «شهداء خمسة وعشرين يناير.. ماتوا في أحداث يناير» من أهم إفيهات الثورة، وكتبت سلمى: «ارجع يا ريس إحنا كنا بنهزر معاك»، أما فرح فكتبت: «الناس اللي في التحرير دول بياخدوا 50 دولار ووجبة من كنتاكي».
وكتب هشام سري: «ال70 مليار دولار بتوع مبارك هيتوزعوا على الشعب دولار دولار»، وذكرت مونيكا حنا مقولة أحدهم في التليفزيون المصري: «فيه ناس في التحرير بيتكلموا إنجلش لانجويتش»، وتذكر باسم قناوي مقولة بائعي الشاي الشهيرة في الميدان: «اشرب شاي الثورة بجنيه»، وكتب صبحي: «الأسطول السادس واقف في البحر المتوسط ومستعد للدخول»، واعتبر صلاح: «خلاص محدش هيعرف يظلم الشعب تاني، وخلاص عرفنا طريق الميدان» إفيهًا ثوريًّا مثيرًا للضحك.
وغرد حمد خارج السرب حين تذكر أحد المواقف الذي اعتبرها الأغرب: «أكبر إفيهات الثورة على الإطلاق في محمد محمود لما كان بيتعمل هدنة كنا نقوم نصلي مع العساكر وبعد كدا نرجع نشتبك معاهم تاني!».
العام الثاني والثالث.. جبنة نستو يا معفنين
الإفيه الأشهر على الإطلاق والذي تكرر كثيرًا هو: «جبنة نستو يا معفنين»، وكتبت مونيكا حنا مقولة مرشد الجماعة: «وما ذنب النباتات؟»، وجملة الرئيس المعزول: «عاشور بتاع الشرقية»، وقال السنهاوي: «احنا هنشيل الإخوان الأول وبعدين نشيل العسكر».
أما المحامي جمال عيد فكان له نصيب الأسد في عدد التغريدات، ومنها: «البطة الجاسوسة، وشفرة أبلة فاهيتا»، «اقتحام سلمي»، «مش عاجبك روح كندا، مش عاجبك روح قطر»، «الملثم وخط الأنابيب»، «خدت خمسة مليار يا باسيييم»، «أفضل دستور في تاريخ مصر»، «الشعب نزل يشوف حظر التجول»، «مفيش رصاص.. ده رش بيلسع».