بسبب تصريحاته عن الفصحى.. فنانون مصريون يشنون هجوما حادا على السوري سلوم حداد

أثار الفنان السوري سلوم حداد جدلاً واسعاً في الأوساط الفنية المصرية، بعدما سخر في إحدى الندوات من أداء الممثلين المصريين باللغة العربية الفصحى، وقال إنهم غير قادرين على إتقانها أو على تعطيش الجيم، مستثنياً فقط الفنانين الراحلين عبد الله غيث ونور الشريف.
تصريحاته أثارت ضحك الحاضرين في الندوة، لكنها في المقابل أشعلت غضب عدد كبير من الفنانين المصريين الذين عبروا عن استيائهم عبر وسائل التواصل الاجتماعي.
رامي الطمباري: صفاقة وسخافة وسفاهة

الفنان رامي الطمباري كتب منشوراً مطولاً على فيسبوك قال فيه:
أنا ماعنديش مشكلة إنك تقول رأيك، ده رأيك وبيعبر عنك وانت حر فيه. لكن أنا مختلف معاك تماماً، لأن عندنا قائمة طويلة جداً من الممثلين اللي بيجيدوا اللغة العربية، ومش هقدر أعد أساميهم من كترهم، ومش قلة قليلة زي ما انت قولت. ومش بس زمان، ده لحد دلوقتي. الدكتور يحيى الفخراني مثلاً بيقدم مسرحية الملك لير على المسرح القومي، ومعاه أكتر من عشرين ممثلاً وممثلة بيتكلموا الفصحى بطلاقة.
وأضاف: بالرغم من ذلك، ده رأيك وانت حر فيه، لكن إياك تفكر تسخر مننا، لأن ده اسمه صفاقة وسخافة وسفاهة. وأنا آسف إني احترمتك في يوم من الأيام.
صبري فواز: فتي جاهل
أما الفنان صبري فواز فاكتفى برد قصير، واصفاً تصريحات سلوم حداد بأنها: فتي جاهل وتملق للصالة التي تعطش الجيم.
كريم سرور: أول ما اخترعوا السينما جابوها مصر

الفنان والسيناريست كريم سرور كتب قائلاً: على فكرة أول ما اخترعوا السينما جابوها على مصر سنة 1896.
وأشار بذلك إلى أن مصر كانت ولا تزال رائدة في صناعة السينما وتمتلك رصيداً كبيراً من الفنانين المتمكنين في اللغة العربية الفصحى.
محمد علي رزق: حضرتك غلط

الفنان محمد علي رزق شن هجوماً لاذعاً، وقال: هرد بجد يا جماعة، علشان لما اتريقت قولتولي إزاي تسخر من أستاذ سلوم حداد، مع إنه إدى لنفسه الحق يسخر من الفنانين المصريين.
وتابع: يا أستاذ سلوم، حضرتك غلط. فيه فنانين مصريين كتير بيتكلموا لغة عربية فصحى صحيحة مليون في المية. وتقدر تشوف آخر عمل اتقدم في مصر باللغة العربية وهو مسلسل رسالة الإمام.
وأضاف: حضرتك ممكن تيجي مصر وتشوف د. يحيى الفخراني هو وكل فريق عمل مسرحية الملك لير وهما بيمثلوا بالفصحى. وممكن تعمل جلسة نقاش فني مع الفنان أحمد ماهر وهو لوحده كفاية عليك. كمان ممكن تزور استوديوهات الدوبلاج اللي مليانة شباب بيشتغلوا بالفصحى، وتشوف الهواة قبل الأكاديميين وهما بيتقنوا اللغة. فيا ريت حضرتك ما تتكلمش عن حاجة انت مش عارفها. شكراً.