«اتريق على الفنانين المصريين».. محمد علي رزق يرد على السوري سلوم حداد

رد الفنان المصري محمد على رزق على تصريحات الفنان السوري سلوم حداد، التي سخر فيها من طريقة نطق بعض الممثلين المصريين للغة العربية الفصحى، في فيديو أثار موجة غضب واسعة على مواقع التواصل الاجتماعي.
وكتب محمد على رزق عبر حسابه على «فيس بوك»: «طب هرد بجد أهو يا جماعة علشان لما إتريقت قولتولي إزاي تسخر من أستاذ سلوم حداد…مع إنه إدى لنفسه الحق إنه يتريق على الفنانين المصريين، يا أستاذ سلوم حضرتك غلط، فيه فنانين مصريين كتير بيتكلموا لغة عربية فصحى صحيحة مليون ٪؜».
أضاف: «وتقدر تشوف أخر عمل تم تقديمة في مصر باللغة العربية رسالة الأمام.. حضرتك تقدر تيجي مصر وتشوف دكتور يحيى الفخراني هو وكل كاست مسرحية الملك لير وهم بيمثلوا باللغة العربية الفصحى، حضرتك ممكن تنورنا في تعمل جلسة نقاش فني باللغة العربية الفصحى مع أستاذ أحمد ماهر وهو لوحده كفاية عليك، حضرتك تقدر تيجي تنورنا وتشوف ستديوهات الدوبلاچ إللي مليانه شباب بتعمل دوبلاچ باللغة العربية الفصحى».
أشار: «حضرتك تقدر تلف على مسارح مصر وأنت تشوف الهواه قبل الأكاديميين ورهما بيمثلوا باللغة العربية الفصحى، فياريت حضرتك متتكلمش عن حاجه أنت مش عارفها.. وشكرًا».
يذكر أن تصريحات سلوم حداد أثارت ردود فعل غاضبة، حيث رأى كثيرون أن تصريحاته تطاولت على ممثلين مصريين أصحاب قامات فنية كبيرة في مصر، واعتبروها تقليلًا من قيمة الفن المصري الذي يمتلك تاريخًا عريقًا في مجال الأداء واللغة.