تصريح مرتضى منصور عن إمام عاشور.. عمرو أديب: إيه التدني ده! شكلنا بقا وحش

شن الإعلامي عمرو أديب، هجومًا على مرتضى منصور، رئيس مجلس إدارة نادي الزمالك، بسبب تصريحات الأخير عن اللاعب إمام عاشور، والمنضم إلى صفوف النادي الأهلي مؤخرًا.
وقال خلال تقديمه لبرنامج «الحكاية»، المذاع عبر فضائية «MBC مصر»، مساء السبت، إن «منصور» تحدث عن وجود علاقة بين اللاعب وإحدى السيدات، واصفًا الأمر بأنه «متدنٍ».
وأضاف: «جاب سيرة واحدة بالاسم إن إمام على علاقة بها، إيه التدني ده! ده نادي كرة تربوي؟ والأهم هو قاعد مع اللاعيبة ليه، اشرحوا لي قاعد معاهم بصفته إيه؟ هو بيشتغل إيه؟»، بحسب وصفه.
وأكمل: «هو مش في قضاء ولا دوره يقضي علينا ولا يمتثل للقضاء.. قاعد في الاجتماع يحدد من رئيس البعثة، ويقول أحمد ابني هيروح وأمير ابني متضايق، عقد الاجتماع بصفته إيه؟؟».
واستطرد: «عاوزين البلد دي فيها قانون ولا فيها مرتضى؟ هل الكلام اللي بيتقال ومتذاع ينفع أو شيء مقبول، هو مفيش حد في البلد دي قادر يكلمه أو يقول له التزم الأدب أنت جوا نادي الزمالك، شكلنا بقا وحش قدام الناس».
ونوه أن حديث «منصور» له تداعيات سلبية على الشباب والأشخاص الذين حضروا الاجتماع، مختتمًا: «محدش في البلد دي حاسس بحجم المصيبة! أنا بس اللي مجنون؟؟».