فيديو.. حسن شاكوش يتوتر بسبب شيخ العرافة: مش هسيبه لو طلعت حاجة من اللي في دماغي

توتر مؤدي المهرجانات حسن شاكوش، وذلك بعد ظهور شيخ العرافة في حلقة «العرافة»، الذي تقدمه الإعلامية بسمة وهبة عبر فضائيتي «النهار» و«المحور»، مساء اليوم الاثنين.
وقال خلال لقائه بالبرنامج: «قسما بالله لو أعرف الشخص ده مين وأعرف بيته فين أروح وأخطفه، لو حتى هروح فيها».
وتحدث شيخ العرافة مع شاكوش عن سبب تركه لزوجته في شهر العسل؛ من أجل تناول الحواوشي في الدقي، ليقول مؤدي المهرجانات إنه ذهب بالفعل إلى منطقة الدقي في اليوم الثالث من شهر العسل مع أخيه الصغير وبعض أعضاء فرقته.
ولفت إلى أنه استغل الفرصة حتى لا يراه الجمهور؛ خاصة أنهم يعلمون قضاءه لشهر العسل في تلك الفترة، مضيفًا: «المشكلة إن مراتي زعلت مش عشان خرجت، لكن عشان في حمام وخروف في البيت سيبت ده ورحت آكل حواوشي».
وطلب شيخ العرافة إحضار ريم زوجة حسن شاكوش إلى الحلقة، وسأل مؤدي المهرجانات عما إذا كان سيتحمل تلك المواجهة، ليؤكد الأخير أنه لا يخفي شيئًا عن زوجته.
وتوجه بالحديث إلى الإعلامية بسمة وهبة: «قسما بالله لو في حاجة في اللي في دماغي طلعت مش هسيبه، قلت لك عارف إنك هتدبسيني وهتلبسيني في الحيط، عشان كده مكنتش عاوز آجي البرنامج».
وردت عليه «وهبة» بقولها: «ده أنا بحبك يا حسن، ده أنا عملت لك زفة وفرحانة بيك، إحنا جايين نهدي النفوس».