بتتمنى إيه في السنة الجديدة؟.. الرئيس السيسي يجيب على أسئلة أبطال قادرون باختلاف

رحب الرئيس عبدالفتاح السيسي، بأبطال قادرون باختلاف في الفعالية السنوية لهم.
وفيما يلي حوار الرئيس مع أبطال قادرون باختلاف في جلسة اسأل الرئيس
سألت الطالبة فرح: بتتمنى إيه يا ريس في السنة الجديدة؟
- اللي في مكاني لا يتمنى غير كل خير للبلد؛ علشان يقدر يلبي للمواطنين كل اللي نفسهم فيه؛ فإذا كنت هتمنى على المستوى الشخصي فليس لي أي شيء شخصي، أتمنى ربنا يكرمني ويوفقني علشان أقدر أيسر لكم الحياة.
سأل الطالب رامز: إيه أصعب موقف مر عليك أثناء خدمتك في القوات المسلحة؟
- أصعب أوقاتي كانت في 2011، والله يعلم ما في نفسي.
كنت ببكي على مصر يا ابني؛ شعرت إن الأمور ممكن تخرج عن السيطرة والبلد تدخل في دوامة من الخراب والدمار، وكنت أعلم أن الدولة ظروفها صعبة وعدد المواطنين كبير، الدولة لم تكن مستحملة أنها تدخل في هذا الخطر الشديد.
أقدر أقولك بدون مبالغة؛ من ساعتها ظهر عليا سني، لأن صعب إني أحس إن البلد هتضيع ومش قادر أعمل لها حاجة، والقلق ده كان لدى ناس كتير في مصر، وبالذات داخل الجيش.
قبل 2011، مكنتش تقدر تديني أكتر من 30 سنة.
الآن؛ بعد 11 سنة؛ لازم المصريين يعرفوا إن اللي حمى مصر هو ربنا سبحانه وتعالى.
شهد الرئيس عبدالفتاح السيسي، اليوم الأربعاء، انطلاق النسخة الرابعة من احتفالية "قادرون باختلاف"، لأصحاب الهمم والقدرات الخاصة بمركز المنارة للمؤتمرات الدولية.
وبدأت الاحتفالية بتلاوة آيات من الذكر الحكيم.
وكان في استقبال الرئيس السيسي لدى وصوله إلى مقر الاحتفالية كل من الفريق أول محمد زكي القائد العام للقوات المسلحة وزير الدفاع والإنتاج الحربي، ورئيس مجلس النواب حنفي جبالي، وشيخ الأزهر الشريف الدكتور أحمد الطيب، وعدد من الوزراء وكبار رجال الدولة.