قال النائب طارق حسانين، موجها حديثه لوزير المالية محمد معيط: "الناس بتهاجمنا، قوليّ أقول للمواطن امتى يتحسن حالك؟ المواطن مش فاهم الكلام اللي بنقوله، أنا أقول إيه في دائرة متوسطة الحال؟!". من جانبه، رد معيط، خلال اجتماع لجنة الشئون الاقتصادية اليوم الأحد: "تقوله من 3 سنين الكهرباء كانت بتقطع 12 ساعة، وكنت أنت بتدور على السكر ب20 جنيها ومش لاقيه". وأشار معيط إلى طوابير البنزين التي شهدتها مصر في فترة سابقة، وقال إن "مصر كانت معرضة لعدم وجود أموال نستورد بها الأدوية"، مضيفا: "أنا كنت مساعد أول وزير صحة لفيت على 15 مليون دولار في يوم علشان أجيب دواء فيروس (سي) ومش لاقي". وأشار معيط -في دفاعه عن التطورات التي شهدها الاقتصاد- إلى الملايين الذين عادوا من ليبيا ووجدوا فرص عمل. وتابع: "قول للمواطن دخلك غير كاف هذه مشكلة تنمية وبنحلها، لو لفيت البلاد اللي حوالينا مش هتقدر تمشي بأمان.. أيوه بنعاني وهنقف على الطريق صح.. السلع والخدمات موجودة قد تكون بسعر مش قادر تجيبه في تحدي وهنعالجه، لكننا كنا في كارثة". وأردف: "في كارثة مصانع قفلت لأنها مش قادرة تجيب دولارات وقطع غيار"، واستطرد: "الوضع تغير.. شبكة طرق ومدن جديدة بتشغل ناس، ومستثمرون بيجروا علينا لأننا مشينا على الطريق الصحيح".