«الدولار ينهار» يتصدر «تويتر».. ومستخدمون: «وانت نازل خد الزبالة معاك»

طالما حرص مستخدمو موقع التواصل الاجتماعي «تويتر»، على التفاعل مع كافة الأحداث الهامة داخل مصر، وعلى هذا، لم تفتوتهم فرصة إبداء آرائهم على انخفاض سعر صرف الدولار بالسوق الموازية أو «السوداء»، إما بالتعليق، أو السخرية، أو الحديث عن الأسباب التي أدت لارتفاع سعره خلال الأيام الماضية.
وانخفض سعر صرف الدولار من 18 جنيهًا لنحو 12.5 جنيهًا بحسب ما قاله أحمد شيحة، رئيس شعبة المستوردين بالغرفة التجارية بالقاهرة، في تصريحات لبرنامج «كلام بفلوس»، المذاع على فضائية «العاصمة الأولى»، مساء الأربعاء.
ومن بين تعليقات مستخدمي «تويتر»، قالت فاطمة: «بيقولوا في سوق العبور فيه دولار بتلاتة جنيه، وفيه بجنيه ونص بس مفعص».
بيقولوا في سوق العبور فيه دولار بتلاتة جنيه وفيه بجنيه ونص بس مفعص ..????????????#الدولار_ينهار
— fatma (@frawlyh_tota) November 2, 2016
كما علق حساب «عروس النيل»، قائلًا: «يا جدعان حد يمسك الدولار، يا بتوع 11/11، الدولار بقي ب11، بصوا، هاتوا الدولارات اللي مخبينها، واعملوا عليها خروف محشي».
#الدولار_ينهار
يا جدعان حد يمسك الدولار ????????
يا بتوع 11/11 الدولار بقي ب11 بصو هاتو الدولارات اللي مخبينها واعملو عليها خروف محشي???????????? #تحيا_مصر pic.twitter.com/XIaqbAaQXx
— عروس النيل (@shereyen) November 2, 2016
فيما غردت سامية سليم وقالت: «الدولار نزل بقي 11 رغم أنف الخونة، والعملاء، والجهلة اللي عمرهم حتي مامسكوا الدولار بس بيطبلوا وخلاص».
الدولار نزل بقي 11 رغم انف الخونة والعملاء والجهلة اللي عمرهم حتي مامسكوا الدولار بس بيطبلوا وخلاص #الدولار_ينهار
— Samia seleem (@Samiasa25603677) November 2, 2016
أما سعد عبدالله فاكتفى بذكر كلمات قليلة في تغريدته، قائلًا: «11 جنيه ومش لاقى اللى يشتريه».
11 جنيه ومش لاقى اللى يشتريه #الدولار_ينهار
— Saad Abdallah (@SaadAbd66557369) November 2, 2016
وسخر خالد نوار، بعد أن نشر تغريدة طريفة قال فيها: «انت يا عم الدولار، يا ريت وانت نازل كده خد كيس الزبالة معاك».
انت يا عم الدولار يا ريت وانت نازل كده خد كيس الزبالة معاك????#الدولار_ينهار#الدولار_بيتفشخ
— Khaled Nawar (@KhaledNawar) November 2, 2016
وأخيرًا قال محمد القلاوي بعيدًا عن السخرية: «لما ينزل الدولار 200 قرش في يوم، يبقى فعلا بينهار، ويبقى ارتفاعه المبالغ فيه كان نتيجة مضاربات، واحتكار، وتعطيش للسوق».
لما ينزل الدولار 200 قرش في يوم يبقى فعلا بينهار ويبقى ارتفاعه المبالغ فيه كان نتيجة مضاربات و إحتكار و تعطيش للسوق #الدولار_ينهار
— Mohammad El Qallawy (@MohamedElKallaw) November 2, 2016
كان الدكتور علاء عز، أمين عام اتحاد الغرف التجارية، قد أكد أمس الثلاثاء، أن الاتحاد دشن مبادرة لوقف التعامل بالدولار لمدة أسبوعين، وترشيد استيراد السلع الاستهلاكية المعمرة لمدة 3 شهور، واقتصاره على السلع الأساسية، ومستلزمات الإنتاج.