عمرو أديب: «مصر أغنى بلد في التاريخ لأنها بتتسرق كل يوم وعايشة»

قال الإعلامي عمرو أديب: «مصر دي أغنى بلد في التاريخ لأنها بتتسرق كل يوم وعايشة، هذا البلد يسير بالستر، فلغة الأرقام لا تكشف كيف تسير هذه الدولة».
ووجه «أديب»، في برنامج «كل يوم»، المذاع على فضائية «On E»، مساء الثلاثاء، سؤالا للفاسدين في مصر: «بتجيبوا الفلوس اللي بتسرقوها منين؟.. وبتختلسوا إزاي ومنين أنا مش عارف؟!».
وأكد أن الشرفاء في مصر يكشفون حالات معينة من الفساد، وأن هناك الكثير منها لا يتم كشفه، مضيفًا: «وأنا صغير كنت باخد الفلوس من محفظة أمي، ولما أمي خبتها مبقتش أعرف اختلس، وبقول للفاسد أنت ربنا كرمك وسرقت، ليه تسرق تاني، وبقول لكل حرامي في البلد كفاية».
وتابع: «البلد بتتنهب، وكل واحد ايده في جيب التاني، والدائرة شغالة، مفيش أحسن من زعيم كوريا الشمالية، جاب عمه في ميدان وضربه بمدفع مضاد للطائرات، ولم يتفوه أحد بكلمة، طيب كوريا الشمالية دي بتاكل منين ومقفول عليها كده من كل ناحية».