فنان شاب يعلن اعتزال التمثيل في مصر بسبب محمد سعد.. تعرفوا على التفاصيل

أعلن الفنان الشاب هادي خفاجة اعتزال التمثيل نهائياً في مصر بسبب موقف حدث له أثناء تصوير برنامج "وش السعد" الذي يقدمه الفنان محمد سعد على MBC مصر.
وقد أعلن هادي خفاجة اعتزاله عبر حسابه الشخصي على موقع التواصل الاجتماعي فيسبوك، من خلال بيان روى خلاله الموقف تفصيلياً، حيث كتب هادي خفاجة:
"قررت أنا هادي خفاجة اعتزال التمثيل نهائياً في مصر وده بسبب الموقف اللي أنا هاحكيه هو موقف في قمة قلة الذوق اللي في الدنيا جاتلي مكالمة الساعة 12 بليل إن محمد سعد عايزني في تصوير في حلقة من برنامج وش السعد اللي هيا كانت النهارده وإنه عايز يقعد معايا طبعاً لبست وروحتله الساعة 1 بليل كان موجود الكاست كله ونجوم الحلقه آيتن عامر ومنة عرفة وعملنا بروفه واتفقت مع مدير الإنتاج والملابس وكل حاجة وأستاذ سامح عبد العزيز المخرج قعدت معاه واتكلمنا عن الشخصية واتفقنا إن التصوير بعدها بيوم خلصت كانت الساعه 4 الفجر روحت البيت نمت وصحيت استعديت نفسياً إني رايح التصوير وحفظت السيناريو كان المعاد الساعه 5 المغرب لقيت اتصال وأنا في الطريق الساعة 4 العصر من واحد من مساعدين الإخراج بيقولي استاذ هادي إحنا أجلنا الاسكتش بتاع حلقة حضرتك وهنكلمك نقولك إمتى التصوير إن شاء الله .. افتح Mbc Masr من شويه الاقي الاسكتش بتاعي اتصور بممثل تاني ؟؟ طب ليه الف والدوران الحمد لله تاريخي مش هيقف على حلقه بس موضوع تقدير أنا حبيت أحكي لإني وسط حاجات كتير حصلتلي مكنتش مستحمل حركه زي دي و بكرة بإذن الله هاكون في نقابة المهن التمثيلية و هاسلم أستاذ أشرف ذكي عضوية النقابه لانها متلزمنيش في شيء دلوقتي بس بجد كفايه تدمير في المواهب وإحباط في الناس لان الوسط بجد أصبح عصابات تتحكم فيه .. وإن شاء الله هاكمل مستقبلي الفني فى دولة تانيه بتقدر الانسانيه قبل المواهب والمجالات وده قرار نهائي بجد بيني و بين نفسي مش هرجع فيه".
قد يعجبك أيضاً:
في أول تصريح بعد التراجع عن الاعتزال.. شيرين عبد الوهاب تفتح النار وترد بقوةhttps://t.co/OFot28HVfI@sherineawahab pic.twitter.com/6hmCE0gu2U
— Layalina.com (@layalina) March 31, 2016 المزيد:
سمية الألفي تعلن اعتزالها للتمثيل لهذا السبب
تعرفوا على الأمر الذي سوف يجبر قصي خولي على الاعتزال!
تعرفوا بالصور على الأخوة خفاجة: 3 أطفال حيروا مشاهدي الدراما لسنوات والبعض يعتقدهم طفل واحد!