مبادرة اختاري شريك حياتك واتقدمي ليه

بوابة شموس نيوز – خاص
مبادرة اختاري شريك حياتك واتقدمي ليه ….
للناس الي عاوزين يفهموا مضمون الفكره.
اولا : الغرض هو توعية مجتمعية واقناع الرأي العام بالفكرة وقبولها وتنفيذها , وتغير نظرة المجتمع تجاه المرأه والقيود التي فرضها عليها وتحقيق المساواة في اختيار شريك الحياة, لتحقيق زواج مستدام.
ثانيا – توعية البنت الي اتربت غلط , لحقوقها في علاقتها بالجنس الآخر :
1- من حقها تختار زوج المستقبل وتسعي كما يسعي الرجل للحصول علي الزوج المناسب دون النظر الي العادات والتقاليد ودون فرض شخص ما عليها حتي لو هي من تفرض علي نفسها , سواء لأسباب سوء ظروفها المادية او الاجتماعية, او تكون غلطت مع رجل ويكون الزواج لتصليح الغلطة بارتكابها لغلطات كبيرة في المستقبل , لا تنتهي.
2 – مينفعش تكون مسلوبة الارادة تنتظر الرجل الي يعجب بيها ويتقدم لخطبتها وكأنها سلعه معروضة للبيع ، والاسوء من ذالك انها تنتظر اللي يدفع اكثر ويشيل.
وده طبعا بيكون بدون ادراك منها لأنها اتربت علي كده. وطبعا لازم تكون طول الوقت كل مايشغل تفكيرها هو ازاي تعجب العرسان.
ثالثا : توعية الاهالي اثناء تربية ابنائهم البنات والولاد بالاخص :
1- ان البنت زي الولد بالتساوي لها نفس الحقوق وعليها نفس الواجبات.
رابعا : وضح نهاية للعلاقات الغير مشروعه ووعود الزواج الواهيه من قبل الرجال
رابعا : توعية الشاب الشرقي الي اتربي غلط واعتبر ان الرجل معصوم عن الغلط . ولانه مجرد انه ذكر مفيش اي مشكلة يعني ولا عيب ولا حرام , لكن البنت بقي لو غلطت ، لا دي تبقي مصيبه ( انا طبعا مقصدش اني اشجع اي طرف من الجنسين علي ارتكاب الغلط ) ..
ليه بقي :
بعد العريس مايدفع المهر والشبكة ويمضي علي القايمة ويجيب الشقة , خلاص بيعتبر نفسه اشتري هذه المرآه بفلوسه يعني ليه كل الحقوق وهيه عليها كل الواجبات. للاسف الفكر ده الي اتربوا عليه الذكور
بالتالي نفقد لغة الحوار العادلة وتتفاقم المشاكل والنتيجة بتكون الطلاق مع الكراهية, والضحية الابناء الي ببستمدوا الكراهيه من الاب والام. فالموضوع اكبر من علاقه بين رجل وامراه . دي علاقة ممكن تبني دولة او تهدمها. فالطفل هو المهندس والطبيب والمعلم والجندي الي بيحمي بلادنا.
الية تنفيذ الفكرة:
اولا : يجب ان تتعرف الفتاة فورا علي اهل الشاب الذي ترغب الزواج منه لاسباب هامة جدا :
1- التأكد من انه صادق معها , ومش متجوز او خاطب او هيخطب امراه غيرها الخ.
2- طمانة الاهالي وحصولها علي ثقتهم بها, خصوصا الاهالي الي رافضين زواج ابنائهم بسبب قوانيين الاسرة , او بسبب تكاليف الزواج الباهظه . ومش معني ان البنت طلبت الزواج من الولد انها رخيصه , لا هي حقها زي الرجل بالظبط , بل الرخص في العلاقات الممتدة لسنوات بلا شرعيه.
واختم كلامي بسيرة سيدنا النبي عليه الصلاة والسلام لما السيدة خديجة طلبته للزواج. وسيدنا موسي حين طلبه الشيخ الكبير كي يتزوج احدي ابنتيه . كما اجاز الشيخ احمد الطيب علي عرض المراه نفسها للرجل للزواج منه وعرض الاب ابنته للزواج
الزواج الحلال حق للجنسين وكرامه للطرف الي بيبدا بالخطوه الصح.