اعتراض البعض على ظهور يسرا والهام شاهين فى حشود مؤيدى الرئيس فى زيارته التاريخية لألمانيا ..!! بالنسبه للناس اللى مش فاهمه … اللى بيقولوا الرئيس واخد فنانين ليه وواخد حريم معاه ليه فى مؤتمر برلين الصحفى !! متأثرين بصور خادعه تدعى ذهاب الفنانين فقط لتأييد الرئيس الى تم نشرها على الفيس .. من قبل كاميرات الإخوان فى برلين…. # الرئيس ماخدش حد معاه .. الرئيس دعى جميع رموز وقاده الرأى من جميع مجالات المجتمع المصرى سواء فنيه أو أدبيه أو سياسيه أو علميه أو اقتصاديه أو اعلاميه أو دينية …للوقوف مع الجماهير.. ومع وفود أخرى وجاليات مصريه من برلين ومن دول أوروبا .. .يعنى هاتلاقى فئات كثيرة تمثلك غير الفنانين . ده غير أنهم ما طلعوش يمثلوك لأ هما طلعو يدافعو عنك وعن رئيسك امام مظاهرات رابعه والاخوان هناك . للتعبير عن تأيدهم ليك ولرئيسك ..فقط من خلال يفط وهتافات خارجيه ..مثلهم مثل أى مواطن .. والإعلامين معروفين بصوتهم المستقل ونقدهم الدائم .. _وعمل كده عشان يقول للعالم كله واولهم المصريين ..انه مش هاياخد اى قرارات او يعقد اتفاقات أو يصدر اى تصريحات إلا بموافقه جميع فئات المجتمع .. وكلهم طالعين على نفقتهم الشخصية ولم تتكلف الدولة أية مصاريف لسفر هؤلاء… كما صرح المستشار الإعلامي معتز صلاح الدين رئيس حركة صوت مصر في الخارج، بأن الدكتور أسعد فرج منسق الحركة في ألمانيا ومعاونيه وعددًا من الألمان المتعاطفين مع الحركة، ووفود الحركة من بريطانيا برئاسة مصطفى رجب ومن هولندا برئاسة أمل حسن وسويسرا برئاسة محمود فضل كانوا أول الحاضرين أمام قصر الرئاسة الألمانية في برلين للترحيب بالرئيس السيسى قبل أكثر من ساعتين من موعد وصول الرئيس السيسى للقاء الرئيس الألماني يوآخم جواج. #الرئيس عاملنا مكانة قدام العالم وبيقولهم إن كلمتنا من كلمته ..وإن الحكم للشعب كله .. ومش حكم عسكر زى ما أصحاب المصالح بيقولو … الرئيس عقد اتفاق مع الدول العربيه بانشاء مؤسسه عسكرية واحدة ..يعنى هانبقى قوة واحدة .. يعنى هايبقى عندنا استقلال اقتصادى وسياسى وتجارى وصناعى وتشريعى …. يعنى هانبقى اعظم واغنى وارقى دول العالم فى المستقبل … #الرئيس عمل مجهود وانجاز سياسى واقتصادى وتجارى وعسكرى وعلمى ..عملوه رؤساء دول فى عشرات السنين … #الرئيس السيس عمله فى خلال سنتين بس .. وكمان فى ظل أصعب ظروف اقتصادية وسياسية واثناء صراعات حادة مع الاخوان … وأوضحت المصادر أن منظمى الوقفات الداعمة لزيارة الرئيس المصرى إلى ألمانيا طالبوا الحشود بضرورة التمتع بضبط النفس وعدم الظهور فى الأماكن، التى يتحرك فيها عناصر الإخوان، وعدم السماح لهم أو إعطائهم الفرصة، للاحتكاك أو الاشتباك، حتى لا يستغلوا الأمر إعلاميا فى الاتجاه الخاطئ. أنا فخوره أن الرئيس السيسى رئيس مصر .. ومصر بتحبك ياريس