حللي قيودك يا غربة

الشاعر عبد الناصر السمطى
غربة في الكآس
فوار رمل
ما بيفتت التباريح
وخوفك شايف
من وراء الضي
بحر جريح
ماسك على الوردة
في سكتك كون ما بيصلي
في زحمة الجذور التراويح
غربة .....
في سرة الوجد وطنْ
بتغني في نوحة
المسافات مصابيح
راحل في جسدي
وللا في شقوق النهر
ساعة مغربية ضريح
أقرب من الغربة
بدمعتين دمي
وأبعد من الروح
بصرختين همي
بين الآهه ...
وبين صمت التسابيح
آه ..... يا غربة
في توب الشمس منسيٌة
بتشاور لنخل الندى ليل
ولعمري اللي راقد
علي سرير النجم أمنيٌة
قدَمِك في سكون الزهر
معْلٌم .. شوق ونوح
وضحي يغسل
في رغبة المحال أدعيٌة
آه .. يا غربة ملكاني
وملكتي إنفعال النبات
في دموع الأوليٌة
حلٌلي قيود العشب
شعاع طارح
علي جسر الرؤى أمسيٌة
تداعب الرجا واللقا
والجرح اللي كان
شايل ليومي فضا
والشمس خيمة ورديٌة
دي غربة وطنْ
وللا غربة بدنْ
في بشاير المنيٌة
حلٌلي قيودك
دا الكون عصفور
بينقر في وشم الصباح
والسما وردة بريٌة
حللي قيودك يا غربة