مديرنا

شعر د. إيمان محمد
مديرنا عاقل و طبيب جليل
قال يا أطبا ده فيه إجتماع
علشان بكرة مفيش إجتماع
و آدي البداية للإستماع
مانيش طويل عقلي هزيل
ده أنا قصير مكير شجاع
و لكل شاردة و واردة دليل
و لا عندي سهو و لا ضياع
أنا أصلي ناصح عقلي صليل
و عندي خبرة و إطلاع
ف ح اختصر من غير صداع
و لا خطبة عصما و لا تهليل
يا إخواتي علمكم مش قليل
و طبيب فلان اللي إسمه نبيل
عقله جميل و علمه أصيل
و طبيبة هديل حنون سلسبيل
و دايما بلسم و بالها طويل
و كلكم علمكم مش قليل
و خبرة إستشارية و تأهيل
فحقكم شغلكم صبح و ليل
ده أنا شخص غير عادي دليل
و عقلي ناصح مش عليل
لا يلوص في فكرة و لا تحليل
و عندي خبرة و إطلاع
و أنا و أنا و حل الصداع
و لكل نقطة هامة إبتلاع
و الحق يا مديرنا الجليل؟
قال الموضوع فيه تأجيل
و فلوس تقصدوا أدبكم قليل
وكده يا أطبا خلص الإجتماع
و لا فيه كلام و لا إستماع
ده أنا شخص عقلي مش هزيل
ده الحد الأدنى تعبير سقيل
و الحد الأقصى ده وهم جميل
طب مين للأطبا يشفي غليل؟
مديرنا قال فيه إجتماع.