ألوان النيل حاضنة الأعلام

شوف الوشوش
ألوان .....ألوان
حليب وصافى
بلون الفجر
قلوب دهب
وقلوب مرجان
بص بعينك
كانوا بيقولوا
الله يعينك
دلوقتى بينادوا المولى
وبيشتكوا ظام الإنسان
وكانوا فاكرينك منهم
وأخ من زمن الإخوان
ألوان النيل حاضنة الأعلام
رسمت عيون المحروسة
بنوتة حلوة ..وبتعشق
حرية كانت محبوسة
حضنت شبابها وأحلامهم
فى نيل بينده على شطه
وشمس دفت شرايينهم
عملت لهم شريان واحد
لما الأيادى بتتشابك
والكل سبح للواحد
ودعوة واحدة فى قلوبهم
يارب ترزقنا بواحد
يصون ترابها وشبابها
ويقيد شموعك يا عروسة
فى قلب ضلمة أيامنا
كل الوشوش تشبه ليلك
كل القلوب تشبه نيلك
ألوان دهب
ألوان مرجان