عاشق »ريجيم« حاد

وبتقولي كلام
معرفش ترديده
وبتقولي سعيدة بيك
ياريت العمر يرجع تاني
...... تجديده
... من الأول
وكنت القاكي رحلة طير
ياعصفورة بيتنقل
..... علي كيفها
قضاها.. وسيع
في دنيا بتنزف الأحلام
وفيها الحب بيهاجر
وإحساسي معاه بيضيع
وإن جناحك المفرود
علي الآخر بينتقل
من الصفصاف
لفوق النخل وجريدة
وبتغني غنا العصافير
ورجْع غناكي
في وداني
صدي موال
سعيد الحال
وكل المخلوقات دايرة
في ألحانك..
يادوبها كورال
وانا عاجز في تريده
انا شايفك..
فراشة بترسم اللوحة
.. سبع ألوان
- بلون الحب لما
تعشقي الأوطان
- بلون الأرض لما
تطرحيها غيطان
- بلون البحر
لما الموج
يشد الموج
ويجري للشطوط همدان
- بلون الصحرا
لما الشوق
بيرميها
لمية قلة العطشان
- بلون الفول ونواره
في عصرية مندية
بنسمة عليلة سواحة
وريحة العطر فواحة
تلملم ع الخدود فراشات
فتقطف من شذاها ريحان
- بشوق الليل
لنور البدر
لما يسهر العشاق
عشان هيبان
- بلون الصبح
لمايهل كل صباح
يصحي القلب
من بعد التعب
م ارتاح
يحس بنعمة الصحيان
وانا شاعر ومتحير
ومرعوش القلم ف ايده
وعاجز حسي
يكتب فيك أناشيده
ياسمرة ياجنة الأشواق
أنا منك.. أنا ليكي
أنا بيكي.. أنا فيكي
ولو هو صف معانيكي
فانا الماضي
وانا الحاضر
وانا بكرة
ومش قادر
ولو أقدر
أعيد العمرم الأول
أكون خيلك
أكون ليلك
أكون نيلك
أكون عاشق
... مواويلك
أكون لكن...
عجزي في الهوي إني
أعيد في العمر تجديده
..... أعيد
.... في العمر
.... تجديده