ضمِّة وطن - ديوان / انتباه يامصر

وانت غريب
فى بلاد الغَرْب
أول مابتصحى من النوم
من غير ما تحس
عينك تحضن قرص الشمس
وكأن عيونك علي وطنك شبابيك
وتحس في عز الحر إنك بردان
وفي عز البرد انك واخده ف حضنك
نفسك مرَّه يضمَّك وطنك
لما فرحت بتحقيق حلمك
جيت .. ولقيتُه كابوس
كاتم على نفَسَك
وبيفرم عضمك مع لحمك
ومعالمك ضايعة
وماحدش عارفك غير نفْسك
كائن مرسوم
تواريخ وشوية أرقام
ممسوحه معالمك والعنوان
وزمانك أعلن عصياُنه
بهتت ف عينيك الألوان
طب راجع ليه ؟
بتطالب بزيادة ف جرعات الهم ؟!
ماهو أصل الهم دواك
من صغرك صابك ادمان
والهم البلدي أصيل
مصنوع بضمير
كل ما تاخد منه يزيد
متوفر على كل الاشكال
مع إنه كتير
لكن ممنوع م التصدير
علشان نفضل حاسين بأما