أسفين

لا يامبارك لا ياسوزان
انسوا حياة الشعب زمان
كنا لقوتنا بنشقي ونتعب
وانتوا فى نهب عرقنا تمام
بقي دلوقتى خلاص جايين
تتأسفوا طب ليه وعلى مين
على دم شهيدنا فى ايديكم
على أمن الدولة وعمايلهم
على مستقبل امة بحالها
هربوا ولادها من جبروتكم
وف عبارة ولا على حدود ولا فى غاره
لقوا سكتهم موت من موت
كله يعدي كله يفوت
حتى الغاز صفقة مشبوهة
والزرع وسرطان القوت
هى مؤامرة على وحدتنا
على كرامتنا كبنى أدمين
كل الذنب جنسيتنا مصريين
ودلوقتى خلاص جايين
متفقين
على كلمة اولها أسي واخرها فين
حتى التوبة في أننا نقتل نسرق ننهب
فنيجى نكفر
بنقول أسفين
طب أسفين
مش قابلين