أوراق متناثرة ( بين الفول والطعمية ... المصريين مهددين في ليبيا )

صباح الجمال يامحروسة ..صباح الفول يا مصر والطعمية !! خبر تناقلته وكالات الأنباء والصحف والمواقع مفاده ( السيد عصام شرف رئيس الوزراء وعائلته يرتادون مطعم ( مشهوووووو ر ) للفول والطعمية !! فين الخبر يا جماعة ؟؟ من هنا يبدأ الخطأ مع البدايات الصحيحة !! أراهن أن هذا الخبر العادي والبسيط جدا سنتناول نقله شهورا ونبني عليه القال والقيل وتطرح على مائدة إفطار السيد شرف كل ما لذ وطاب من الأسئلة الممزوجة بالهواجس والتخمينات ....وإن لم يكن فسوف نشغل وقتنا وفكرنا في أمور خاصة لا تهم إلا صاحبها .وإن( خلص الفول ...أنا مش مسئول ) في ليبيا المواطن المصري في مصراطة بقى (شوارما) على أيدي الإرهابيين حين أعلن القذافي قائلا بالبنط العريض ( حاربوا المصريين في مصراطة ) ممكن يعمل المصريين ( كفتة )كمان ويحشرهم في الزنقة زنقة .. ولسة قاعدين جنب مطعم الفول بنأخذ صور مع السيد عصام شرف مع إحترامي الشديد لشخصه الكريم !!! والمتتبع لتعليقات جريدة الأهرام لهذا النبأ يجد نفسه أمام مقر ترشيحات رئاسية وليس مطعم فوووول نظرا لأصحاب التعليقات الذين حولوا طبق الفووووول على مائدة الإستفتاء إلى لجنة إنتخابات وخلاص رشحوا السيد شرف رئيسا لمصر الجديدة !! في حين يغيب الإعلام وتخفى الصور عما يحدث للمصريين العالقين في ليبيا .. إلى كل الجهود المبذولة لمنح الجنسيات المصرية لغير المصريين .إلى كل الخطى والألسن والأقلام اللي تتجهه وتقف عند ذاك المطعم وتشاور وهي ( منشكحة ) قائلة هنا دخل رئيس الوزراء وأكل طبق فول ) إالى كل من أكل من وجبة البيتزا بتاعت ( عفاف شعيب ) وكأنه أكل من شجرة الخلد ... إلرجاء غض البصر عما يجري لأخواننا في ( مصراطة بليبيا ) فالوصول إلى مصر الجديدة لا يتم إلا عن طريق ( كروشنا وطبق الفوووول ) خيري باشا إوعى تفطر أنا عاملة لك طبق ( فووووول) بالدقة الأردنية !!! علشان يبقة ( زيتنا بدقيقنا يا خويا !!! ) بس إنت جهز كوب الشاي بالنعناع الأخضر علشان أقدر أبلّع الأخبار دي بعد الفطار يا باشا !!
**********
البرادعي وما أدراك ما البرادعي !!! الإستفتاء إتعمل وحصد موافقة ما يعادل 74% أو يزيد على تعديل الدستور .العصفورة قالت لي إن الدكتور مش موافق على النتيجة ويطالب بتغييره جذريا ؟؟ لسة عندنا وقت للإستئناف ( هو في إيه ) يعني إرادة ثلاثة أرباع الشعب المصري وقراره ملوش إعتبار ولا لازمة .إوعوا يكون تم في الإستفتاء تزوير ؟؟ والنسبة دي مش مضبوطة علشان الدكتور البرادعي يطالب بإلغاءه ليحق الحق ويدحض الباطل بس لا مستحيل التزوير دوما لصالح الحكومة مش لصالح الشعب الغلبان اللي البرادعي يعزف على وتره الحساس ويدغدغ مشاعره على إستحياء معلش ياجماعة الزهايمر شادد علي اليومين دول هو الدستور تم تعديله علشان إيه بالضبط ؟؟؟ البرادعي يقول للشعب المصري بصيغة رئاسية ( أنا لا أرغب نزول الشعب المصري بالميدان وعجبي !! أومال اللي كان في الميدان عقب البيان الثاني للرئيس محمد حسني مبارك وعماّل يسخّن فرن وأتون الأحداث مين ؟؟ ( شبح فيوووودة مثلا ) لا يادكتور مهما حصل ومهما وصل لي من نوايا مش مضبوطة لما نشرنا الموضوع إياه من قبل الغير هو كان مجرد مسج ورسالة وصورة منقولة عما يحدث ويقال بعيد عن مرمى العين والسمع وجب نقلها (.والحمد لله طول عمرنا نسيب ....ونمسك بالبردعة ) المهم بقولك يادكتور ووصيتي وأمانة على كل من يقرأ هذه الكلمات يوصلها للدكتور ( الشعب والجيش المصري العظيم طول عمرهم يد وحدة وده من فضل ربنا عزوجل إنه خلق الشعب المصري بقلوب رحيمة علشان تفضل مصر محروسة مش سعادتك اللي ترغب أو لا ترغب في نزول الشعب المصري بالميدان والجيش هو عزوّة المصريين وسندهم بل سند الأمة العربية بحالها . ...البرادعي وما أدراك ما البرادعي .أخيرا بيقول ( وجب محاكمة مبارك ولا أحد فوق القانون ) مجرد سؤال ( قلادة النيل العظمى من وهبك إياها يا دكتور ؟؟ المفترض تؤول لممتلكات الدولة وتوضع بالمتحف لطالما وجبت المحاكمة فاليعم العدل بقى .
*******
مش عارفة بجد الواحد حاسس نفسه متعلق بين السماء والأرض والرياح بتلعب فينا من كل حدب ونسل .أحداث متتالية وأخبار تعمل من الحبة قبة ومن الفول إنتخابات وجمال بصق على عزّ من يومين الخبر بقول واليوم علاء شّد مع جمال علشان عزّ بزور جمال في غرفته بالزنزانة على طول ؟؟؟.والناس مش مقتنعة بكل اللي بيحصل وبيقولوا تمثيليات تعد من خلف الكواليس .والأخبار مليانة بلطجة في مصر .واللي راجع من المحروسة بيقول مية على مية مصر .وأسمع كلامك أصدقك ..وأشوف أمورك أستعجب بحس فيه هرج ومرج بسبب غياب السلطة في مصر والجيش بصراحة رايته زي ما إحنا عارفينه بييييييضة زي الفل والياسمين كمان .بجد نفسي أبعد عنك شوية يامصر أبعد بتفكيري وقلبي وكل كياني لأنه خلاص مش عارفة فين الصح وفين الخطأ ؟؟ فين الطريق لمصر الجديدة أخبار من العيار الثقيل وأخبار عن الفوووول .والله تحيري اللي عمره ما تحير بحبك يامصر بس قولي أهرب منك لفين ؟؟ طيب ما أنا بعيدة عنك ونيران أحداثك حرقاني يا محروسة أومال لو قربت منك هيجرى لي إيه .أهرب من نفسي ليكي ؟؟ طيب إزاي وإنتو واحد عايشين جوايا نفسي ترتاحي بقى ياغالية .وقلمي بيجري وأنا وراه بجري والأحداث مش رحمانا والعمر عمال يجري وتفضلي أنت عشقي اللي مهما حسيت إني بين السماء والأرض زي الطير اللي رافض دنيته ومهاجر لفوق السحاب تفضلي إنت حبيبتي إنت
أموت علشانك وتعيشي يا مصر إنت...
********