امشى ياخوف

من ارض بلدنا
امشى ياخوف امشى ياخوف
.خلى الضحكه تعود ل ولادنا
.سيب الشمس تعود لحياتنا
.....دا احنا تعبنا من المولتوف
امشى ياخوف امشى ياخوف
..متخليش ولا ام حزينه
.....ولانحرق زيتون من سينا
...ولا ترعب طفل فى ارضينا
.....ولا تمحى من اثر حروف
امشى ياخوف امشى ياخوف
...بلد السلام.. بلد الامان
احنا اللى جينا فى القرآن
احنا اللى كتبنا ع الجدران
..وعرفنا ايه كلمة انسان
اقرأ عنا ياسيدى وشوف
امشى ياخوف امشى ياخوف
ياما شفنا محن فى الكون
..وتاريخنا حراك وسكون
...مهو احنا تاريخنا طويل
.....يحكيها الهرم والنيل
...يحكيها اكتوبر والسد
.والضحكه ما تفارق حد
.......وكرمنا يكفى الوف
...يحكيلك كرمنا ضيوف
امشى ياخوف امشى ياخوف
امشى مكانك مش فى مصر
دى بلد الحب وروح العصر
ولاينفع معاها خوف
ولا ينفع معاها الكسر
ولا ينفع معاها تفكيك
دى صلبه الله يخليك
ياريتك تكون مكسوف
مش احنا اللى يرهبنا الخوف
امشى ياخوف امشى ياخوف