مش أي كاس !

باركوا يا عالم ..
هنوا يا ناس
فوزنا ونولنا وجبنا الكاس ..
أجمل كاس
والإحساس ..
فرحة بذمة لأهل القمة ..
فخر .. تواضع .. نشوة نصر
غالى يا كاسنا ..
عالى مقامنا ..
دايما عالى زمالك مصر
إنت الأصل ..
فاتح فصل فنون اللعب
كل حبايبك صفوة شعب
مهما بتمرض ..
مش بتموت !
حسك ميزته جمال الصوت
عايش حتى ما شاء الله
عايش فينا ولينا حياه ..
أحلى حياه
مهما قلوبنا تقول الآه ..
كله يهون ..
بس يكون ..
إسمك فوق
يعلا ويكبر ..
أكتر وأكتر ..
وإحنا ندوق ..
طعم هواك
إحنا معاك ..
بالملايين
م العاشقين
فيك دايبين ..
دوبان
وبإذن المولى الرحمن ..
راجع أول
راجع نصرك ..
ساطع قمرك ..
بس الأول ..
لازم تانى نخطط صح ..
علشان نحصد بس الصح !
والأزمات ..
فانية وباقيالنا البطولات
والأمجاد ..
لونها إتلون ..
لونك أبيض
أي هزيمة ..
راح تتعوض ..
ليك بعزيمة ..
وبإخلاص
باركوا يا عالم ..
هنوا يا ناس
الزمالك ..
بطل الكاس
للتواصل مع الكاتب .. يرجى الدخول على هذا الرابط:
http://tiny.cc/yz7myw